Skip to main content

Sulisitsisut: Suliffissanut nivinngaaviup naqisimaneqanngitsumik tusagassiorneq ulorianartorsiortippaa

Namminersorlutik Oqartussat suliffissanik saqqummiusivissaat nittartagaq ukioq manna pilersinneqartussaq arlalitsugut akunnakusoortoqartoq, Kalaallit Nunaanni Sulisitsisut isumaqarput

Inatsisartunit maajip tallimaani akuerineqareersutut, Kalaallit Nunaat suliffissanik nivinngaavimmik nittartakkamik kikkut tamarmik akeqanngitsumik atorsinnaassaannik ukiup naanerani peqalissaaq.

Suliffissanik nivinngaavik annertuumik tusagassiorfimmit Sermitsiaq.AG-mit isornartorsiorneqarpoq, suliffissamik saqqummiussivik taanna equngasumik unammillerneq namminersortut aamma pisortat akornanni pilersittussaassammagu.

Taanna nittartagaq suliffissanik nivinngaavik akunnakusoornartoqartoq, Kalaallit Nunaanni Sulisitsisut aamma isumaqarput. Arlalinnik peqquteqartumik.

- Pilersaarutigineqartutut nittartakkakkut nuna tamakkerlugu suliffissanik saqqummiussivissap kiffanngissuseqartumik attuumassuteqanngitsumillu tusagassiorneq ulorianartorsiortippaa. Nittartakkakkut suliffissamik nivinngaavik peqqutigalugu tusagassiuutit isertitamikkut malunnaatilimmik annaasaqartussaapput, taamallu Kalaallit Nunaanni namminersorlutik nittartakkatigut nivinngartuisartut tunngavii peertussaassallugit.

Suliffeqarfiit sulisussaminnik piniartarnerat ajornarnerulersissavaat
Sulisitsisut naapertorlugit suliffeqarfiit sulisussaminnik piniartarnerat piumasaqaataareersut avataasigut ajornarnerulersissavaa, suliffeqarfiit nunanit allanit sulisussanik piniarlutik akuersissummik qinnuteqassagaangata:

- Suliffeqarfiit pisussaaffilerneqassapput atorfiit pisariqartitatik nuna tamakkerlugu nittartakkakkut aamma nivinngarlugit saqqummiuteqqaartalissagaat, avataanit sulisussanik ujartuilersinnaatitaalertinnatik. Tamatuma ullumimut sanilliullugu sulisussassiorneq sivitsorsassavaa tassa suliffeqarfiit avataaneersunik atorfinitsitsisinnaanerannut piffissaq annertunerusoq atorneqartalersussaassammat.

- Tamanna pilerpat suliffeqarfiit suliassatut pilersaarutitullu siunnerfiisa iluini ingerlaqqissinnaanissap tungaanut utaqqeqqaartariqalissapput, Brian buus Pedersen erseqqissaavoq.

Atuaruk: Aviisip siulittaasua: Naqisimaneqanngitsunik aviiseqarneq saassunneqarpoq

Sulisitsisut aqutsinermut piginnaatitaanerannut akimortoq
Sulisitsisut aqutsinermi piginnaatitaaffiannut akimortumik inississaaq taassuma nassuiarpaa, tassami nittartagaq peqqutigalugu suliffeqarfiit sulisussassiornermi toqqaannartumik pilersaarusiorsinnaajunaartitaassammata aammalu sulisoqarnermi iluani siunnerfilersuisinnaajunnaartitaassammata.

- Sniatigullu taamatut aaqqissuussinermut atatillugu nunani allani atorfinnut pinngitsaaliissutaasumik piumasaqaasersuilluni aaqqiigaluarnerit iluini misilittakkat pitsaasuunngillat. Assersuutigalugu taaneqarsinnaavoq Sverigemi taaneqartutut nittartagalioraluarneq atorsinnaanngimmat atorunnaarsinneqarnikuummat, Kalaallit Nunaanni Sulisitsisut pisortaat, Brian Buus Pedersen oqarpoq. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER