kunngit pingasut
Sulisitsisut: Neriniartarfiit siusissukkut matutinneqarnissaat inatsisinik unioqqutitsineruvoq
Peqqinnissamut Nalakkersuisoqarfiup inatsit unioqqutippaa, nalunaaruteqarami Kunngit Pingasut ulluanni neriniartarfiit ulloq pineqartoq sioqqullugu tallimanngonermi taamaallat nal. 24-ip tungaanut ammasinnaasut
Tallimanngorpat aqaguani kunngit pingasuunissaa pissutigalugu imerniartarfiit neriniartarfiillu matujaassasut, Namminersorlutik Oqartussat tusagassiuutinut nalunaarutigisimavaat.
Sulisitsisulli naapertorlugit tamanna inatsimmik unioqqutitsineruvoq.
- Tallimanngornermi 5. januar tallimanngorneruvoq nalinginnaalluinnartoq/nalliuttuunngitsoq, taamaammallu tassaalluni ulloq nerianiartarfiit nal. 12-imiit nal. 03-mut ammatitsivigisinnaasaat, tamannami atuummat inatsisip ukioq 2000-imili
atuutsinneqalernaratigut, atuullunilu Kunngit Pingasut Ulluat arfininngornerutillugu, Sulisitsisut allattoqarfiani pisortaq Karsten Lyberth-Klausen tusagassiuutinut nalunaarummi oqarpoq.
Neriniartarfinnut annertuumik ajornartorsiutaavoq – inatsisinik uniuilluni – taamatullu iluamik piffissaliinani peqqussuteqarneq, sulisussammi saqisussat nipilersortussallu inniminneerneqareernikuummata, taanna oqarpoq.
- Taamatut pisoqarnera suliffeqarfinnut annertusisunik aningaasartuutitaqarpoq, taamaammallu Naalakkersuisoqarfimmit
naatsorsuutigineqartariaqarluni taarseeqqusisoqarsinnaanissaq, Karsten Lyberth-Klausen nalunaaruteqarpoq.
Tamanna tunngavigalugu Sulisitsisunit Naalakkersuisoqarfimmut inassutigiumneqarpoq inatsisip malinneqarnissaa taamallu ingerlatiinnarlugu ukiuni 20-ini kingullerni ingerlatseriaasiusimasoq.
På den baggrund opfordrer Grønlands Erhverv Departementet til at følge den gældende lovgivning og den praksis, der har været de sidste næsten 20 år.