akitsuutit
Sulisitsisut: Naalakkersuisut tatigeqatigiinneq nalorninartorsiortippaat
Mamakujunnut akitsuutit suliarineqarnerannut atatillugu Sulisitsisunit Naalakkersuisut sakkortuumik isornartorsiorneqarput naalakkersuinikkullu periaaserineqartoq pitsaanngitsutut iliuusaanerarlugu
Mamakujunnut, tupanut pujoqanngit sunut aamma qummoroortartunut akitsuutit qaffanneqarnerannut, aggustip 20anni 2015imi kingumoortumik atuutilersinneqartut pillugit oqallittoqaqqilerpoq.
Akitsuutit ullup atuutsilerfiata Naalakkersuisunit allanngortinniarneqannginneranik, aningaasaqarnermut aatsitassanullu naalakkersuisunngorlaap Randi V. Evaldse nip (D) sapaatipakunnerani kingullermi nalunaarutigereeraalu oqallittoqaqqilerpoq.
Taassuma siuliata Vittus Qujaukitsup (S) ullup atuutilerfiata allanngortinneqarnissaa nalunaarutigereeraluarpaa. Tamatumuuna Sulisitsisunit Naalakkersuisut isornartorsi orneqarput.
Atuaruk: NunaMineralsimik annaassiniaralualersoq
Tatigeqatigiinneq ulorianartorsiortinneqartoq
– Akitsuutinut taaneqartunut atatillugu inatsisiliornermi tunngaviusumik suleriaatsit Naalakkersuisut ataqqisimanngilaat. Tamatuma kinguneranik suliffeqarfiit Naalakkersuisullu akornanni tatigeqatigiinneq pisariaqanngitsumik ulorianartorsiortinneqarpoq, Sulisitsisuni pisortaq Brian Buus Pedersen oqarpoq.
Pineqartumi aallaavigineqartoq tassaavoq Naalakkersuisut aggustip 20-anni 2015-imi akitsuutinik qaffaanissamut siunnersuummik saqqummiussaqarnerat, taakkunanilu neqinut ikummatissanullu tunngasut ilaatinneqarlutik.
Ilisimaneqartutulli neqinut ikummatissanullu akitsuutissatut siunnersuutit, Inatsisartunut ilaasortanit arlalinnit minnerunngitsumillu inuussutissarsiortunit sakkortuumik isornartorsiorneqareersullu peerneqarput.
Atuaruk: IA: Naalakkersuisut kukkorujussuarsimapput
Akuersissutigineqartoq
Inatsisissatut siunnersuutipinernera, taamaallaat akitsuutinut mamakujunnut, tupanut pujoqanngitsunut aamma qummoroortartunut tunngasoq, aatsaat novembarip pingajuanni 2015-imi Inatsisartuni oqallisigineqarput taamaalillunilu novembarip 17-ianni 2015-imi amerlanerussuteqartunit akuersissutigineqarlutik.
Akitsuutinut tunngasut suliarineqarnerat qaammatinik arlalinnik sivisussuseqarpoq, tamatumunngalu atatillugu Naalakkersuisut periaasiat sakkortuumik isornartorsiorneqarluni, tassami siusinnerusukkut periaaserineqartartutut akitsuutinut tunngasut ullormi ataatsimi oqallisigineqarlutillu akuersissutigineqartaraluarmata.
Tamannali naammaginagu inatsit kingumoortumik atuuttussanngortinneqarmat, Sulisitsisunit isornartoqartinneqartorujussuuvoq.
– Inatsisip sukaterneqartup aatsaat pisariaqarluinnartutut isigineqarneratigut, kingumoortumik atuuttussanngortinneqartarnera Inatsisiliornermi tunngaviusumik periaasiuvoq, Brian Buus Pedersen oqarpoq.
Atuaruk: Akitsuusiineq Qujaukitsup misissorniarpaa
Allaaserisaq tamaat Sermitsiami saqqummertumi nutaami atuaruk, taanna uani pisiarisinnaavat: