Skip to main content

Sulisitsisut naalakkersuisoq akulerunnerarlugu isornartorsiorpaat

Betoninik katitertakkanik sanaartortarnissamik piumasaqaateqartoqarneratigut ilinniartut ineqarfissaanik sanaartorsinnaanermut unammillerneq Naalakkersuisumit killilerneqarsimavoq. Tamanna naggataatigut ineqarnermut akiliutit qaffanneqarnerannik kinguneqarsinnaasoq, Sulisitsisut isumaqarput.

Sulisitsisut ilinniartut ineqarfissaannik sanaartornissamut neqeroortitsinermut "nalunaaruteqaqqaarani politikkikkut akuliunnertut" taallugu sakkortuumik isornartorsiuipput.

Sulisitsisut naapertorlugit, Ineqarnermut Attaveqaqatigiinnermullu Naalakkersuisoq Karl Frederik Danielsen (S) aalajangersimavoq, sanaartorneq betoninik katitertakkanik ingerlanneqartalissasoq, taamatullu aalajangertoqarneratigut suliffeqarfiit sumiiffimmi sanaartorfiusussami sanaartugassanik kuitsiveqarfeqartariaqartumi neqerooruteqarnissamut akornuserneqarsimapput.

- Tamatuma kinguneranik, suliffeqarfiit namminneq betoniliorfeqanngisut, sumiiffinni ullumikkut Kalaallit Nunaanni nunaniluunniit allani betoniliorfeqartunut pisiniartariaqartassapput, pisiatillu umiarsuarmik illoqarfimmut allamut assartorteriarlugit illoqarfimmi lastbilinik sanaartorfiusumut ingerlattariaqartassavaat, Sulisitsisut tusagassiorfinnut nalunaaruteqarnermi allapput.

- Aalajangerneq isumaqanngilluinnartoq

Sulisitsisut Sermitsiaq.AG-mut ilisimatitsissutigaat, neqeroorutigineqartut ilaatigut tassaasut Qaqortumi, Nuummi Aasiannilu ilinniartut ineqarfissaannik nutaanik sanaartortoqarnissaa, sanaartornissamilu inissat hunnorujunik arlalinnik amerlassuseqartut pineqartut.

Sulisitsisut kattuffiata katitertakkanik sanaartortoqartarnissaanik aalajangersimaneq isumaqanngilluinnartuunerarpaa, isumaqarlunilu taamatut aalajangersimaneq naggataatigut sanaartornerup akisunerulernissaanik, taamalu inigisamut akiliutissat qaffasinnerulernissaannik nassataqassasoq:

- Karl Frederik Danielsenip aalajangersimanerata kingunissai isumaqanngilluinnarput, tassalu neqerooruteqartartut ikinnerulernissaat, sanaartornerit akisunerulernissaat, taamalu inigisamut akiliutit qaffasinnerulernissaat.

- Sanaartugassanut neqerooruteqartartut ikinnerulissapput, assersuutigalugumi illoqarfinni mikinerusuni suliffeqarfiit mikinerusut neqerooruteqarnissamut mattunneqassammata, tassa illoqarfinni anginerusuni betoninik pilersuisuusartut namminneerlutik sanaartornissamut neqerooruteqarsimanngitsut pilersuisussatut pissarsiarisimanngikkunikkit, Sulitsisut allapput.

Sermitsiaq.AG-mit Karl Frederik Danielsen suliamut tunngatillugu oqaaseqartinniarsarineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER