Sulisitsisut kamapput: Uuliasiornermut periusissiaq pimoorussisuunngitsoq

Sulisitsisut pisortaata Brian Buus Pedersenip pisortat aningaasaataannit millionit pingasunik kisitsisitallit uuliasiornermut atorneqarnissaat ernummatigaa – suliarilluagaasumik pilersaaruteqarani uuliasiornermilu suliffissuaqarnermit immikkut ilisimasalinnit ilitsersorneqarani.

”Suliaqartuusaarneq. Tusarniaaneq pimoorusserpalaanngitsoq. Tusarniaanermik suliaq kingumut sivikippallaartoq”. Sulisitsisut isornartorsiuinerat sakkortuvoq.

AG taama allaaserisaqarpoq.

Kattuffiup uuliasiornermut periusissiassatut siunnersuummut nutaamut oqaaseqaateqarnissamut sapaatip-akunnerisa pingasut missaannaannik periarfissinneqarnera Sulisitsisut naammaginngilaat.

- Inuussutissarsiornermut Naalakkersuisoqarfik uuliasiornermut gassisiornermullu tunngasut killilersuiffigineqarneranni allannguutinik malunnaatilerujussuarnik siunniussaqarpoq. Uulasiornerup aallartinneqarnissaanut millioninik pingasunik kisitsisitalinnik immaqa atuisoqassaaq. Tassa aningaasarpassuarnik pisortat aningaasaataannik. Kisianni sumorpiaq atorneqarnissaannik ilisimatinneqanngilagut. Taamaallaat kingusinnerusukkut tamanna misissorneqassasoq. Politikerit Kalaallit Nunaata siunissaanut pingaarutilerujussuarnik aalajangiisussanngorunik atortussanik pitsaanngilluinnartunik tigummiaqassapput, Sulisitsisut pisortaat Brian Buus Pedersen isumaqarpoq.

Sulisitsut isornartorsiunerat pillugu AG-mi paasisaqarnerusinnaavutit, taanna uani ataani isissutissarsiffigisinnaavat:

Powered by Labrador CMS