Sulisartut kattuffianit sulisartunut inissialiortoqarnissaa kissaatigineqarpoq - sulisartunit akilerneqarsinnaasunik

Nuummi inissaaleqisoqartorujussuuvoq. NISP-millu SIK-p Nuummi immikkoortoortaqarfianit sanasut soqutigisaqartullu ataatsimoorluni aaqqiissutissarsiornissaq anguniarlu ullormi ataatsimi isumasioqatigiissitsinissamut qaaqquneqarput.

Sulisartut inissaannik sulisartut akilersinnaasaannik sanaartortoqarnissaa pisariaqartinneqarpoq. SIK-p Nuummi immikkoortortaqarfiani taamatut isumaqarput.

Nuummi innuttaasut ukiut 15-it tikillugit pisortat inissiaataannik attartugassaminnik
utaqqisariaqartarput, SIK-llu Nuummi immikkoortortaqarfianit isumaqarput, taamatut ilaasortat atugassaqartinneqarnerat ajortuusoq. Taamaammallu NISIP-mi tamanna samminiarlugu aaqqiissutissarsiorniarlutillu isumasioqatigiissitsinissamik aaqqissuussisimapput.

- Isumasioqatigiinneq inissamik utaqqisarnerup sivikillingaatsiarnissaanik kinguneqartariaqarpoq. Aamma inissianik inuuniarnitsinnut iluaqutaalluartunik
akissarsiatsinnullu naleqquttumik akilersorsinnaasatsinnik sanaartortoqarnissaanut
peqataarusuppugut. Taamaaliornikkuttaaq suliffissanik sanaartornermilu praktikkerfissanik
pilersitseqataassaagut. NSIP-imi siulittaasoq Josef Therkildsen tusagassiorfitsigut nalunaaruteqarnermi oqarpoq.

Isumasioqatigiinneq arfininngornermi 2022-mi septembarip 24-ani nal. 9.00-17.00 Hotel Hans Egedemi pissaaq, tassani sanaartortut, aningaaseriviit aningaasaliisartullu kiisalu sulisartunut inissiaateqarnermik misilittagaqartut Islandimeersut Danmarkimeersullu saqqummississallutik.

Tigussaasunik suliniuteqartoqarnissaa kissaatigineqartoq

NSIP-mi siulittaasup ilisimatitsissutigaa, sulisartut inissaannik amerlanerusunik sanaartortoqarnissaa angunialugut tigussaasuni suliniuteqartoqarumaartoq peqatigiiffimmit neriuutigineqartoq.

Nuummi ilaasortat inuussutissarsiuteqartullu isumasioqatigiinnermut peqataanissamut aamma tikilluaqqusaapput.

NSIP, suliffiutillit peqatigiiffiata GE-p Nuummi immikkoortortaa, inatsisileritooq,
kommunalbestyrelse, Grønlandsbanken, BankNordik aamma inissiaatileqatigiiffik Iserit isumasioqatigiinnermut peqataatitaqassapput.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS