Sulisartut amerleriaateqartut
Utoqqalernersiaqartalernissap kinguartinneqarnikuunera sulisartut amerlanerulernerannik kinguneqarpoq
Annonse
Sulisinnaasut sulisut 2016-miit 2017-imut 378-inik amerleriarput – tamassumunnga pissutaanerpaavoq utoqqalinersiaqalernissamut ukiorititaq 65-iniit 66-inut ukiulinnut allanngortinneqarsimanera. Naatsorsueqqissaartarfimmit kisitsisit nutaat tamanna takutippaa.
Utoqqalinersiaqalernissamut ukiut januaarip aallaqqaataani 2017-imi ukiumik ataatsimik nikisinneqarpoq, taamaasilluni ukiumi 378-inik sulisoqarnerulernermi 276-it utoqqalinersiuteqalertussaagaluit ukioq ataaseq suleqqissinnaasimallutik.
Sulisinnaasut sulisut 2017-imi katillutik 27.271-iupput. 2016-imi katillutik 26.893-iullutik.
Sulisinnaasut suliffissaqanngitsut 2017-imi 6,8 procentiupput.