Suliniut: Kalaallit ilinniartut rollespilernikkut pikkorissassapput
Københavnimi Odensemilu Kalaallit Illuutaannut attaveqarlutik ilinniartut rollespil-ernikkut (inuk allaasuusaarnikkut) oqallinnermut tunngavilersuinermullu pikkorissarsinnaanngussapput.
Kalaallit ilinniartut ilaasa, eqimattani atuaqatimi akornanni misilitsinnerniluunniit, isummersorneq itisiliinermilu tunngavilersuineq ajornartittarpaat.
Suliami Pakkummi aqutsisuusup, Kistaraq Egedep, taanna peqqutaatippaa, ilinniartut angusinnaasatik tamaasa angunagillu sapinngasaminnik takutitsinngitsoortarnerannut.
– Misilitsittarninni soraarummeersitsisuniit arlarleriarlunga oqarfigitittarnikuuvunga, misilitsinnermi tusaasinnaasaraat oqaatigisimasanniit sapinngisakka amerlanerusut. Kisianni tassa oqaatigisimasakka taamaallaat malillugit karakteeriliisinnaallutik, suliami aqutsutsisoq Kistaraq Egede
Tamanna ajornartarsiut ikiorserniarlugu, Pakkut nerrivik kaajallallugu rollespil-ernernik 3-nik septembarip, oktobarip novembarillu naalerneranni Københavnimi Odensemilu ingerlatsitsiniarpoq. Taakkunani ilaasut inuk allaasuusaarnikkut oqalliseqataaneq isummamminillu tunngavilersuineq sungiusassavaat. Ilanngullugu ilaasut allatut imminnut qiviarsinnaalissapput, taamaasillutillu sanngiiffitik nukittuffitillu takusinnaanngorlugit.
Ilinniartitaaneq pillugu sammisami allaaserineqartoq tamakkiisumik atuarneqarsinnaavoq. Aviisi akeqanngitsumik uani aaneqarsinnaavoq
