Suliniutit nutaat: Inuuniarnermikkut ajornartorsiutillit ikiorneqarsinnaanngortut
Aarhusimi Kalaallit Illuutaat Socialstyrelsenimik 13,5 millionit koruuninik suliniutinut marlunnut atugassanik taperserneqarpoq. Aningaasaliissutit kalaallinut inuuniarnermikkut ajornartorsiuteqartunut atorneqassapput.
- Nuannaangaaratta talligut qullaqqaannaleqqavagut. Kalaallit Aarhusimi najugallit inuuniarnermikkut ajornartorsiortut ikiorluarnerulernissaat anguneqarmat annunnaveeqqangajappugut.
Aarhusimi Kalaallit Illuutaanni pisortaq Tanja Nielsen Socialsyrelsenimit taperneqarnissartik pillugu taama oqarpoq. Aningaasaliissutit 8,3 millionit koruunit suliniutinut marlunnut atugassat ukiut pingajuat avillugu agguataarneqassaput, 5,2 millionit koruunillu allanut atorneqassallutik. Inuuniarnikkut ajornartorsiutit kinguaariinnit tullernit kingornunneqartarnerat unitsinniarlugu taavalu kalaallit Aarhusimi najugallit inuuniarnermikkut ajornartorsiortunut aningaasaliissutit atorneqassapput.
Suliniutinut taakkununnga marlussunnut suliaqartussanik atorfinitsitsinissani pisortap ulluni makkunani ulapputigaa. Kalaallit Aarhusimi najugallit ikiortariallit sullinneqarunnaarsimasut erngertumik ikiorneqarnissaanik atorfinittut suliaqassapput.
Meeraanerminni ajoquserneqarsimasut kingunerlutsitsisut
- Tarnip pissusianik immikkut ilisimasallit nukittuut marluk ujartorpagut. Taakku ajoqusersimanerup kingorna kingunerluuteqartunut sullitatsinnut ikiuinissamik immikkut ilisimasaqartuussapput. Reden Aarhusimi Kirkens Korshærip Naapiffiani sulisunik isumaginninnermut ilinniagalinnik marluk aamma atorfinitsitsisoqassaaq – taakku kalaaliunissaat neriuutigaarput.
Tarnip pissusianik ilisimasalimmik ataatsimik atorfilittaqareerlutik oqaatigaa. Aningaasaliissutillu ikiorneqarnissamik immikkut pisariaqartitsisunut atorneqassasut oqarpoq.
Allaaserisaq tamaat AG-mi uani sapaatip-akunnerani saqqummertumi atuaruk, uani isissutissarsisinnaavutit: