Kolde fakta

Suliniutip nutaap takutippaa: Sermeq aakkiartupiloorpoq

Silaannarmit assilisat nassaarineqaqqammersut takutippaat nunarsuup kissatsikkiartorneratigut Sermersuaq qanoq aakkiartortigisoq

Luftfotografier fra 1930'erne over Grønland sammenlignes med fotos taget i år illustrerer hvor hård indlandsisen. Genrefoto: Fra Malmbjerget i Østgrønland, der er omkranset af to gletschere.

Nunatta sermersua pissutaanersaavoq nunarsuarmi immat ukiumut centimeterinik marlussunnik qaffariartornerannut. Taamatut Politiken søndag allappoq.
Sila kiannerulermat sermeq aatsaat taama sukkatigisumik aakkiartorpoq sermersuarlu milliartorpoq. Aakkiartornera qanoq sukkatiginersoq takuneqarsinnaavoq Københavns Universitetimi ilimatuut suliniutaanni nutaami, novembarimi atuaganngorlugu saqqummersinneqartussami.
Suliniummi aallaaviusimapput silaannarmit assilisat toqqortat puigorneqarsimasullu, qallunaanit 1932-imi 1933-imilu assilineqarsimasut - Tunu Norgemik assortuussutaaleruttortoq.
Assit 2010--mi nassaarineqarput sapaatillu akunnerisa pingasut matuma siornatigut assit assilineqarfippiaannit assiliisoqaqqippoq, sumiiffiillu ullumikkut qanoq isikkoqarnersut takuneqarsinnaavoq.
Ilisimatuullu nalunngikkaluaraat assigiinngissut annertuujussasoq, angalanermi pisortaq malillugu tupinnartorujussuuvoq.
– Silap pissusiata allanngoriartorneranik sermit sunnerneqartorujussuupput. Sermit ilaat - sermersuarmut atavissuunngitsut - peerussimapput, Kurt H. Kjær, Statens Naturhistoriske Museum-imi professori, Politiken-imut oqarpoq.
– Timitaqanngippasissinnaavoq politikerit sermersuaq aakkiartortoq eqqartoraangassuk. Assit uku tamanna piviusunngortippaat, ilisimatuut pisortaat oqarpoq, taassumalu angalanissaq isumassarsiarisimavaa assitoqqat Københavns Vestvold-imi nassaarinerisa kingorna.
Nunani tamalaani immikkut ilisimasallit arlallit ilumoornerarpaat. Assitigut qanoq sualutsigisoq takullugu iluaqutaaginnanngilaq. Assimili immikkoortut nutaarluinnarnik ilisimasaqartitsilerput, assersuutigalugu sermit imaanut qanittut ungasissullu piffissap ingerlanerani qanoq milliartortiginersut.
– Sermersuaq ukiumut 600 gigaton-inik milliartorpoq. Tamanna isummerfigiuminaassinnaavoq, taamaattumik pitsaalluinnarpoq takuneqarsinnaammat, qallunaaq Sebastian H. Mernild, Chiles Institut for Videnskabelige Studier-imi ilisimatusarnermi pisortaq Politiken-imut oqarpoq.

Powered by Labrador CMS