Timi Asimi
Suliniut iluatsilluartoq unittariaqalersoq
Inuusuttunut suliniut Timi Asimi Nuummi Tasiilamilu unittariaqalerpoq
Timi Asimi inuusuttut ilinniakkamik aallartitseriarsinnaanissaannik aqqutissiuussilluni suliniutaasoq aningaasaliiffigineqannginnami uniinnartariaqalerpoq. 2013-ip aanerani Timi Asimip suliniut Tasiilami naammassimmagut suliniutip taassuma inuusuttut ingerlariaqqinnissaannik aqqutissiuussisimasup unikkallarfigaa.
Timi Asimi 2011-mi aallartinnermi kingorna inuusuttunit 107-nit peqataaffigineqarsimavoq imminnut ikiorluni ingerlariaqqinnissamut periarfissiuunneqarsimasunit. Suliniulli pisortanit aningaasaliissutinik pisariaqartitsisoq aningaasaliiffigineqannginnami unittariaqalerpoq.
- Suliniut ajoraluartumi pisortat aalajangersimasumik aningaasaliiffigisagaannut suli ilanngussimanngilaq taamaattumillu aningaasalersorneqarneranut politikkikkut tulleriiaarinerit kissaatillu apeqqutaalluinnartarlutik, Timi Asimimi aqutsisoq Kim Godtfredsen oqarpoq.
Timi Asimi namminersorlutik oqartussanit aningaasalersorneqarsimavoq aningaasallu taakku Kommuneqarfik Sermersuumut nakkutigisassanngortinneqarsimapput. Timi Asimi maanna pisortanut saaffiginnissuteqaqqippoq aningaaliiffigineqarnissamik qinnuteqarluni.
Timi Asimi pillugu allaaserisat uani atuarsinnaavatit