Suliniaqatigiiffiit puisit amiinut tunngasuni mianersortut

EU ukioq manna siusinnerusuk­kut puisit amiinik tunisassianik n oqquteqarnermi inuit pineqannginnerata sukateriffigineqarnissaanik suliaqarmat Danmarkimi EU-­parlamentimut ilaasortat av­atangiisinillu illersuiniaqatigiiffiit tapersersuinerat killeqanngingajappoq.

Taamanili pingaarnertut tun­ngavilersuutit nungusaataanngitsumik periuseqarnermik inuillu uumasoq tamakkerlugu atuisarne­rannik imaqaraluartut natsiit amii­nik aserorterisalernissaq paasinar­sereeraluartoq taakkua taamatullu annertutigisumik tapersersuiner­sut erseqqissumik paasissallugu ul­lumikkut ajornakusoorpoq.

Akerusunngikkaa
Verdensnaturfonden WWF­-ip at­ taveqarnermut immikkoortortaqarfia allattuunerlu Gitte Seeberg naliliisereerlugit suliniaqatigiif­fimmi Kalaallit Nunaannut Issittu­mullu atatillugu siunnersortaanerup Mette Frostip assersuutigalugu WWF­-ip Kalaallit Nunaanni pui­sinniarneq suli akuersaarneraa akerusunngilaa.

AG-p allatsit emailikkut allaffigisa­reerlugit oqaloqatigisareerlugillu Socialdemokratit EU-­parlamentimut ilaasortaatitaat Christel Schaldermose imaluunniit Vens­tremeersoq Ulla Tørnæs isumma­nik ersersitsinermut tunngasunik aamma pissarsinngitsoorpoq.

Atuaruk: Enoksen: Puisip amii aserortiinnarnagit akikillisigit

Puisinniarneq nungusaataanngit­sumik ingerlanneqartoq
Taakkua marluk EU-­mi puisit amii pillugit paasisitsiniaanermut atatillugu eqeersimaaqataasimapput.

Greenpeacemili iluatsitsinerulaarpugut, nunamut pisortaq Bir­gitte Lesanner apersorneqarnissa­minut sassarmat.

- Oqaaseqaatissaqanngilagut. Tamanna isumaqarfigisatta avataa­niippoq, oqarpoq, Kalaallit Nu­naannilu puisinniarneq uumaso­qassutsikkut nungusaataanngit­sumik ingerlanneqartoq inner­suussutigalugu.

Uani sapaatip-akunnerani AG-mi saqqummertumi allaaserisaq tamaat atuaruk, pisiniarfimmi uaniluunniit ataani e-aviisitut pisiarisinnaavat:

AG Uge 06 2016

Klik her for at læse