Sulinermut atatillugu angalasarnerit sipaarutigineqassasut

Illoqarfiit pingaarnersaata kommuniani sipaarniartoqarpoq, tassungalu atatillugu sulinermut atatillugu angalasarnernut aningaasartuutaasartut annikillisinneqangaatsiarsimapput.

Kommuneqarfik Sermersooq 2021-mut missingersuutinik akuersisimavoq, tassani sulinermut atatillugu angalasarnerit syv millioner koruuninik naleqartartut sipaarniarfigineqarsimapput.

Angalasarnernut aningaasaliissutit annikillisinneqarnerisigut allaffissornikkut sulisut ataatsimiititanilu aajangersimasuni politikkerit angalasarnerat eqqorneqassaaq.

Missingersuutit syv millioner koruuninik sipaarniarfigineqarneranni pineqarput, timmisartumut ilaassutissat, ullormusiat unnuinermilu pillugit aningaasartuutaasartut.

Kommunimi pisortap Lars Møller-Sørensenip nassuerutigaa, ukioq manna sulinermut atatillugu ataasiarluni marloriarluniluunniit pisariaqavinngikkaluamik angalasoqarsimasoq.

- Tamaasali ataatsimut isigalugit angalanissat pisariaqavissuinnaat akuersissutiginissaat pikkoriffigisimavarput, kommunimi pisortaq Sermitsiaq.AG-mut oqarpoq.

Sulinermut atatilllugu angalasarnerup siunertai

Taassuma nassuiaatigaa, ”sulinermut atatillugu angalasarnerpassuatsinni suleqatitta attavigineqartarnerannik isumaginninnissaq, isumassarsiornissaq sulisuttaluunniit ilinniagaqaqqinnissaat siunertarineqartartut”.

Sulinermulli atatillugu angalanissamut aningaasaliissutit annikillineqarujussuarnerat ukiuni arlalinni ingerlaannarsinnaassanngitsoq, Lars Møller-Sørensen isumaqarpoq.

- Piffissami aalajangersimasumi arlaannaataluunniit maluginngisaanik sipaaruteqartoqarsinnaasoq, tamannali piffissami aalajangersimasuinnarmi ajunngitsumik ingerlasinnaasoq, kommunimi pisortaq ingerlatsivinni sulisorpassuarnut qullersaasoq erseqqissaavoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS