Sulinermi atugassarititaasut ajornakusoortut: Politikerit nipangersimanerujussuat – tamat oqartussaaqataaneranni ajornartorsiut
Politikererpassuit tusagassiuutinit isorinnippaluttumik apeqqutit avaqqutaarneqartarput. Tamatuma akerliani inuit attaveqatigiittarfiini eqeersimaartarput, tamakkunani attaveqatigiinneq namminneerlutik aqussinnaasaramikku apeqqutillu toqqaannarpallaartullu avaqqutaarsinnaasaramikkit.
Nunatta Naalakkersuinikkut aqunneqarnerani ammasumik inuillu oqartussaaqataanerat pingaartillugu ingerlatsineq nukittorsarneqassaaq, taamaattumillu Naalakkersuisoqatigiit innuttaasut tikillugit qanimut ingerlatsissapput.
Oqaatsit tusarnersut taakkua politikkikkut kasuunnertalimmik oqalugiarnermeersuunngillat. Taakkua Inuit Ataqatigiit Siumullu akornanni naalakkersuisoqatigiinnissamik isumaqatigiissumminngaanneersuupput. Apeqqutaavoq siunertaq pitsaasut ulluinnarni naammassineqarnersut.
Naammassineqanngillammi.
Aviisi AG taama allappoq.
Transparency International Greenlandip siulittaasuata Karen Heilmann Lennertip maluginiagaatut, ammasumik ingerlatsineq annikitsuararsuuvoq, naalakkersuisullu arlaqanngitsuinnaat atorfimmik ingerlatsinerminni politikkimilu apeqqarissaarfigineqarumasarput.
KNR-ip pisortaa Karl-Henrik Simonsen, assinganik maluginiagaqarsimavoq.
- Naalakkersuisut attaveqarfigiuminaassinnaanerat uagut aamma misilittagaraarput. Apeqqutit tigussaasut akissuteqarfigitinniarnerat ajornakusoortarpoq, Karl-Henrik Simonsen maluginiakkani tunngavigalugit oqarpoq nangillunilu:
- Amerlanertigut allattaat apeqqutit allaganngorlugit pissarsiarinissaannik piumasaqartarput, tamatumalu kingorna allaganngorlugit akissutinik tunisarluta.
Politikerinut toqqaannartumik attaveqarsinnaannginneq politikerinillu oqaloqateqarsinnaannginneq tamanna tusagassiuutinut isumaqartarpoq, nutaarsiassarpassuit kiffartuussilluni tusagassiornertut taaneqartartunik tusagassiuutitigullu nalunaarutigalugit tunngavigalugu nutaarsiassanik suliarineqanngitsunik imaqaleratarsinnaasarnerannik.
Aviisimi AG-mi atuarnerusinnaavutit. Aviisi uani pissarsiariuk:
