Sulinermi ajutoortoqaqqissimasoq: Angut stilladsimiit nakkarnermini ajoqusersimavoq
Angut Nuummi sulitilluni sisamanngornermi ajutoorami ajoqusersimavoq, taanna stilladsimiit tre aamma fem meteriu´t akornannii nakkarsimavoq.
Politiit Nuummi sanaartorfimmi ajutoortoqarsimasoq pillugu sisamanngornermi ualikkut nal. 10.48 nalunaarfigineqarsimapput.
Angut stilladsip tre aamma fem meterit akornanniit nakkarsimavoq ajoqusingaatsiarsimallunilu. Pigaartut pisortaat Gideon Quist Sermitsiaq.AG-mut ilisimatitsivoq.
Politiit paasissutissiissutigivaat, angutip niua napisimasoq najungasumigullu ajoqusersimasoq.
- Pisimasoq missuiffigaarput apersuillutalu, taamaammat maannakkorpiaq tamanna pillugu oqaaseqarpallaarsinnaanngilanga. Suliffinnik misissuisartut suleqatigalugit misissuisoqarpoq, Gedion Quist oqarpoq.
Ajutoorsimaneq Nuummi ukioq manna sanaartorfinni ajutoortoqarsimanerit arlallit ilagaat. Inuit pingasut ajutoornikkut toqukkut qimagussimapput.
Sermitsiaq.AG-mit suliffinnik misissuisartut oqaaseqartinniarneqarput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...