Skip to main content

Suliffissuaq sulisunik aalajaatsunik amigaateqartoq

Royal Greenlandip Maniitsumi suliffissua aasaraangat pingaartumillu akissarsiffinni sulisussanik amigaateqalersarpoq

Royal Greenlandip Maniitsumi suliffissuaq 2013-imi pisiaraa, tamanna sioqqullugu Arctic Green Foodip suliffissuaataasa aalisakkeriviutaasalu qulit Greenland Propertiesimit pigineqartut akornanniittoq. 

Suliffissuup katillugit 25-nik sulisoqarluni Arctic Green Foodimit pigineqarnermi nalaanisut tunisassiornini aallaqqaammut ingerlatiinnarpaa, saarulliit niaquiakkat blokkikkuutaarlugit qerititerneqartut tunisassiaralugit, tamatumalu saniatigut saattuanik tunisassiorluni.

Suliffissuaq taamanimiilli alliartorusaartuarsimavoq. 

Ullumikkut aalisakkanik ullormut 60 tonsit angullugit tunisisoqartarpoq sulisullu 200-nik amerlassuseqalersimallutik.

Aqutsisunilli akissarsisoqartillugu sulisunik suliartunngitsoortoqartarnera ajoraluartumik misigineqartuartarpoq. Kisianni upernaakkut qaamasaleriartornerani aasakkullu sulisut tigummiinnarnissaat aamma unammilligassanngortarpoq.

- Aalajaatsunik sulisussaqarniarnermut atatillugu annertuunik unammilligassaqarpugut. Assersuutigalugu ataasinngornermi ullaakkut suliffissuarmi tunisassiornermi sulisussanik 30-nik atorfissaqartitsivugut, tamatumanilu 14-iinnaat takkussimallutik. 

- Ajornartorsiut pingaartumik ukioq manna malunnaateqarpoq, unammillerteqalersimagatta (Lilleholm, aaqq.). Kisianni upernaakkut qaamanerusalerniariartoq aalajaatsunik sulisoqarniarnermik ajornartorsiuteqalersarpugut, suliffissuup pisortaa, Susanne Marie Knudsen, oqaluttuarpoq.

Taassuma erseqqissarpaa, qaammatini novembarimi, decembarimi januaarimilu ajornartorsiutaasariaqanngikkaluartumik ajornartorsiuteqalersarpugut suliffissarsiortoqalersarmat naammattunillu sulisussaqarnerput pissutigalugu inuit ilaannik itigartitsisariaqalersaratta.

Atuaruk: Sulisussaaleqineq imatut nungutissavaat

Allaaserisaq tamaat Sermitsiami uani sapaatip akunnerani saqqummertumi atuaruk. Aviisi pisiniarfinni ulllumi pisiarineqarsinnaavoq. Uani aamma pisiarisinnaavat:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER