Suliffissat amerlanerusut katsorsaataapput pitsaanerpaat

Naatsorsueqqissaartarfimmit qaammatit tamaasa suliffissaaleqisunut kisitsisit takutinneqarneranni Kommune Kujallermi suliffissaaleqisorpassuaqartoq takuneqarsinnaavoq: Taamaalillutik januaarimi Nanortalimmi suliffissaaleqisut 194-iupput, Qaqortumi 220-t Narsamilu 154-it – nunami kommunini mikinersami suliffissaaleqisut katillugit 568-iupput.

Tamanna ilutigalugu Kujataani isumaginninnermi suliassaqarpoq unammillernartunik aamma siorna nakkutilliineq pillugu nalunaarusiaq nunami tamarmi tupatsitserujussuarpoq: Isumaginninnermut allaffinni suliassat suliarineqanngitsut 1.100-inngorsimapput, taakkunnga suliassat meeqqanut inuusuttuaqqanullu tunngasut 260-iullutik.

Atuaruk: 'Kommunalbestyrelsi nukilaappallaartoq innuttaasut nuuttarnerannut pissutaasoq'

Suliffiit nutaat
Kommuneq Kujallermi Inuussutissarsiuteqarnermut Suliffeqarnermullu ataatsimiititaliami siulittaasup Simon Simonsenip pissutsit marluiit ataatsimoortippai.

– Suliffissaaleqisut taama amerlatiginerat isumaginninnermi ajornartorsiuterpassuatsinnik pissuteqarput aamma suliat amerlanerusut inuttut nakkarnermut kommunimiillu nussornerujussuarmut akiuiniarnermut pitsaanersaapput, Simon Simonsen Sermitsiamut oqarpoq.

Atuaruk: Innuttaasut ikiliartorput - borgmesterip naligiinnerunissaq piumasaraa

2009-mi januaarip ulluisa aallaqqataanni Nanortallip, Qaqortup Narsallu kattuussuutsinneqarneranni Kujataani inuit 7.631-it najugaqarput, maannakkulli innuttaasut 6.692-iupput – ukiuni arfineq-pingasuinnarni innuttaasut 1.000-ngajannik ikileriarput.

Taamaattumik suliffinnik nutaanik pilersitsinissaq suliffissaaleqisut amerliartornerannik nussornernillu unitsitsisinnaasoq Kommune Kujallermi kommunimut qineqqusaarnermi aalajangiisuusumik sammineqassaaq.

Atuaruk: Wæverip missingersuut naammagisimaarpaa'

Allaaserisaq tamaat Sermitsiami saqqummertumi kingullermi atuaruk. Aviisi uani pisiariuk:

Sermitsiaq Uge 07 2017

Klik her for at læse