Suliffissarsiortut ikileriarujussuartut
Juunimi suliffissarsiortut ukiup siulianut qaammammut tassunga sanilliullugit 456-inik ikinnerupput.
Naatsorsueqqissaartarfimmit kisitsisit nutaat naapertorlugit suliffeqarfinni ingerlalluartoqarpoq.
Juunimi inuit 1.410-t suliffissarsiortutut nalunaarsorneqarsimasut, kisitsisit takutippaat. Siorna 1.866-iupput, tamannalu 24 procentinik appariarneruvoq.
Ataani takusassiami suliffissarsiortut nunap immikkoortuani qanoq agguataarneqarnersut takuneqarsinnaavoq. Sumiiffimmi ataatsimi kisimi suliffissarsiortut amerleriarsimappt – tassa Upernaviup nunaqarfiini.
Ataatsimut isigalugu suliffissarsiortut amerlassusaat qaammatini pingasuni kingullerni ukiunut siuliinut sanilliullugit appasinnerujussuupput.
Naatsorsueqqissaartarfiup allami naatsorsuinermini saqqummiuteqqammisaani, suliffissarsiortut kvartalini pingasuni kisitsisit misissorsimavai.
3. kvartal 2020-miit 2. kvartal 2021-mut qaammammi ataatsimi imaluunniit qaammatini arlalinni inuit 5.403-t suliffissarsiortutut nalunaarsimapput, ukiup siuliani inuit 5.820-t suliffissarsiortutut nalunaarsimasut.
Tamanna inunnik 417-inik appariarneruvoq.