Suliffissarsiortut ikileriaqqittut
Augustimi suliffisarsiortut ukiup siulianut qaammammut tassunga sanilliullugit 373-inik ikinnerupput. Suliffissarsiortullu junimi 24 procentimik ikileriarsimapput juni 2020 sanilliullugu.
Augustimi suliffissarsiortut 1.316-it nalunaarsorneqarsimasut Nunatta Naatsorsueqqissaartarfiata kisitsisit kingulliit takutippaat. Suliffissarsiortut ukiup siulianut qaammammut tassunga sanilliullugit 373-inik ikileriarsimapput. Suliffissarsiortut junimi 1.410-iupput, suliffissarsiortut junimi 2020-mi sanilliullugit 24 procentimik ikileriarsimapput.
Ataani takusinnaasassinni suliffissarsiortut nunap immikkoortuani illoqarfinni nunaqarfiinilu qanoq agguataarneqarnersut takuneqarsinnaavoq. Tunumi suliffissarsiortut 54-inik ikileriarsimapput, Tasiilamilu 92-it suliffeqalersimapput juni 2020 sanilliullugu.
Qaanaami innuttaasut aamma suliffissarsisimapput. Qanaami suliffissarsiortut 27-inik ikileriarsimapput. Ukiormi kingulleq augustimi suliffissaaleqisut 34-iusimapput, maannalu augustimi suliffissarsiortut arfineq-marluullutik.
Qaqortumi suliffissarsiortut 20-inik ikileriarsimapput.
