Majoriaq

Suliffissanut qitiusumik siunnersuisarfiit taaguutitaartut

Suliffissanut, ilitsersuinernut pikkorissaqqinnernullu qitiusumik ingerlatsiviit Maligiaq taaguutitaaraat

Suliffissanut, Ilitsersuinermut Pikkorissaqqinnermullu Qitiusumik ingerlatsiviit januaarip aallaqqaataani Majoriamik ateqalerput, Namminersorlutik Oqartussat ilisimatitsipput.

Majoriaq tassaavoq qummukajaannguaq qaqisassaq.

Atuaruk: Kommunit aallartisartitsiviat nutaaq pilersinneqassaaq

Aqqutissaq
Majoriaq tassaassaaq suliffissarsiortut ornittagaat, ilitsersorneqarlutik pikkorissaqqillutik suliffeqarnermullu aqqutissaminnut ilinniarfissaminnulluunniit majuarlutik aqqutissaat.

Suliffissanut, Ilitsersuinermut Pikkorissaqqinnermullu Qitiusumik ingerlatsiviit tassaapput, siornatigut Piareersarfiusut aamma Suliffissarsiuussisarfiusut. Qitiusumik ingerlatsiviit inatsit nutaaq aqqutigalugu januaarip aallaqqaataani 2016 pilersinneqarnerisigut piviusunngortinneqarput.

Eqaannerulissasut
Suliffissarsiuussisarfiusimasut Piareersarfiusimasullu siunissami qaninnerullutik suleqatigiilissapput.

- Pisariaqartinneqarpoq eqaatsumik naammassisaqarfiusumillu inuusuttortatta suliffissaaleqisortattalu Majoriamut saaffiginninneranni ilitsersorneqartarnissaat, sukkasuumik ilinniakkamut, pikkorissarnermut suliffissamulluunniit ingerlaqqissinnaaqqullugit, taamalu suliffissaaleqinerminnik qaangiisinnaaqqullugit, Niuernermut Nunanullu Allanut tunngasuni Naalakkersuisoq Vittus Qujaukitsoq erseqqissaavoq.

Powered by Labrador CMS