suliffissaaleqineq
Suliffissaaleqisut suli ikiliartuinnarput
Aggustip aallaqqaataani inuit 2.399-it suliffissarsiortutut nalunaarsorneqarput. Taakku siorna piffissami taamaalineranit 313-inik ikinnerupput
Aggustimi katillugu inuit 2.399-it suliffissarsiortutut nalunaarsorneqarsimapput, taakkunannga 371-it nunaqarfimmit, Naatsorsueqqissaartarfik ilisimatitsivoq.
Taamaalilluni katillugu inuit suliffissarsiortut ukiup siulianut qaammammi tassunga sanilliullugu 313-inik ikileriarsimapput. Illoqarfinni suliffissarsiortut katillugu 304-nik ikileriarput.
Nuummi suliffissaaleqisut amerlanerusut
Suliffissaaleqisut amerlanerpaartaat 20-t 24-illu akornanni ukioqarput, taamatut ukiullit 358-iupput. Taamatut ukiulinni arnat 184-it suliffeqanngillat.
Nuummi suliffissaaleqisut siornamut sanilliullugu annikitsumik amerlerialaarsimapput, tassa 604-niik 610-nut amerlisimallutik.
Sisimiuni Aasiannilu amerlassusaat ikileriangaatsiarput. Sisimiuni suliffissaaleqisut inunnik 114-nik ikileriarput, Aasiannilu 99-nik ikileriarsimallutik.
Atuaruk: Suliffissarsiortut suli ikiliartorput