suliffissaaleqineq
Suliffissaaleqisut siorna ikileriaateqartut
2016-mi qaammatit tamakkerlugit suliffissaaleqisut ukiup siulianut sanilliullugit ikinnerussuteqarput
Suliffissaaleqisut decembarip qaammataani 2016-mi ukiup siuliani decembarimut sanilliullugu 209-nik ikinnerupput. Naatsorsueqqissaartarfiup kisitsisaatai kingulliit taama paasissutissiipput.
Tamaasilluni siorna suliffissaaleqisut ikiliartorneri ukioq naallugu ukiup siulianut sanilliullugu pisimapput.
Atuaruk: Suliffissarsiortut suli ikileriaqqittut
Suliffissaaleqisut ikileriaateqarneri junimi amerlanerpaasimapput. Tassani 1.100 missaanik ukiup siulianit ikinnerussuteqarsimmallutik.
Decambarilli qaammataani suliffissaaleqisut ikileriarneri illoqarfinniineruvoq, tassani 220-nik ikinnerullutik. Tamanna nunaqarfiit ineriartornerisa uninngaannalersimanerinik takussutissaavoq, suliffissaaleqisullu 2015-mut naleqqiullugit aqqanilinnik amerleriarsimallutik.
Atuaruk: Suliffissaaleqisut suli ikilioartorput
Decembarip qaammataani suliffissaaleqisut katillugit 3.157-pput, taakkunannga 528-t nunaqarfimmiuullutik.