registrering

Suliffissaaleqisut amerleriarput

Suliffissarsiorlutik nalunaarsortissimasut amerlassusaat tamanut saqqummiunneqaqqammerpoq. Suliffissaaleqisut amerleriarput

Nuummi suliffissarsiortut amerlanersaapput.

2013-imi juunimi Nunatsinni suliffissarsiorlutik naluanarsortissimasut siorna qaammammut tassunga sanilliullugit amerleriarput.
Tamanna Kalaallit Nunaata Naatsorsueqqissaartarfiata naatsorsuinerani takuneqarsinnaavoq.
2013-imi juunimi suliffissaaleqisut katilluti 3.231-iupput, taakkunannga 522-it nunaqarfinni. 2013-imi illoqarfinni juunimi suliffissarsiorlutik nalunaarsortittut 2.709-upput, siorna qaammammi tassani 2.663-iusimallutik. Tassa 46-nik amerleriarlutik.
Kalaallit Nunaanni Naatsorsueqqissaartarfiup paasissutissiissutaa suliffissarsiorlutik nalunaarsortittut tasssaaput inuit kommunbimut suliffeqaratik nalunaarsimasut, kisinneqarnerat.
Qaammammi inuk suliffissarsiortutut nalunaarsorneqartarpoq inuk taanna qaammat naallugu ullorluunniit ataasiinnaq suliffissarsiortutut nalunaarsortissimappat.
Suliffissaaleqisut qaammatit tamaasa kisinneqartarput. Kisitsineq tamaat takusinnaavat uani

Powered by Labrador CMS