Suliffeqarneq tamatigut akilersinnaasanngilaq
Ilisimatusartunit pissutsit imminnut assortuuffigisaannik ajornartorsiut qulaajaavigaat – tassalu angerlarsimaannarnerup aalisakkanik suliffissuarmi akunnerni arfineq-pingasuni sulerulunnermit ilaatigooriarluni aningaasannaffiunerusarnera. Tamannali tamanut atuutinngilaq.
Ullaat tamaasa suliartorniarluni makittarnissaq pingaaruteqarpa?
Tamanna politikkikkut oqallinnermi apeqqutitut qitiusumik inissisimaffeqarpoq, pisortanit ikiorsiissutit tamarmiusut assersuutigalugu SIK tunngavigalugu aningaasarsianit ullut tamaasa suliartortarnikkut pissarsiarineqarsinnaasunit amerlaneruleraangata sunniivigeqatigiinnermi ajornartorsiutit pissutigalugit pilersartut, AG allappoq.
Apeqqummut akissut imaappoq: Pingaaruteqarlunilu pingaaruteqanngilaq!
Nalunaarusiaq
Tamanna ajornartorsiut pillugu nalunaarusiami 106-inik qupperneqartumi, atugarissaarneq pillugu ilisimatusarnermut nalilersuinermullu qitiusoqarfimmi, Det Nationale Forsknings- og Analysecenter for Velfærdimi (naalisarlugu VIVE), ilisimatusartunit suliarineqarsimasumi, takuneqarsinnaavoq.
- Pissutsinik suliartornissap akilersinnaanngiffigisaanik pilersoqarsinnaavoq, nalunaarusiami ilisimatuut erseqqissaapput, tamatumanilu assersuutit assigiinngitsut arlalissuit sammillugit, taakkunanngalu takutinneqarluni, pissutsit ilaqutariinnit ilaqutariinnut allanngorartartut, pingaartumik qassinik meeraqarneq apeqqutaatillugu.
Allaaserineqartoq aviisimi AG-mi tamakkiisumik atuarneqarsinnaavoq. Aviisi uani pisiariuk: