Suliffeqarfiup ilisimasortaqartitsisartup nunatsinni immikkoortortaqarfini matugaa

Umiarsuarnik takornariartitsinissamik taamaatitsiinnartoqaqqimmat DanPilotip nunatsinni immikkoortortaqarfini matusimavaa.

DanPilotip Kalaallit Nunaanni ilisimasortaqartitsiarnini DanPilot aqqutigalugu ingerlattalissavaa, tassa ingerlatseqatigiiffik Greenland Pilot Service ApS aqqutigisarunnaarlugu.

DanPilot Danmarkip naalagaaffianit pigineqarpoq, ingerlatseqatigiiffimmillu ilisimatitsissutigineqarpoq, Greenland Pilot Service atorunnaarsinneqartoq. Tamanna pivoq umiarsuarnik takornariartitsinissat taamaatiinnarneqaqqimmata, tamatumalu malitsigisaanik ilisimasortaqarnissamik piumasaqartarneq unilluinnavissimavoq.

- DanPilotip immikkoortortaqarfia, Greenland Pilot Service ApS, Kalaallit Nunaanni umiarsuarnik takornariartitsisunut ilisimasortaqartitsinerusartoq coronap nunarsuarmi tuniluunneranit sakkortuumik eqqugaasimavoa, taamaammallu 2020-mi upernaakkulli Kalaallit Nunaanni umiarsuit takornariartitsisartut sullikkunnaarsimallugit, DanPilot tusagassiorfinnut nalunaaruteqarluni allappoq.

Ulapaarfiunerpaasartoq annaaneqaqqittoq

DanPilot naapertorlugu, oqartussat ingerlatseqatigiiffimmut nalunaarutigisimavaat, siusinnerpaamik 2021-mi ukiakkut umiarsuartigut takornariartitsisarneq aatsaat ammaqqinneqassasoq, tamatuma malitsigisaani ulapaarfiunerpaamik takornariartitsisarneq taamaatiinnarneqarsimavoq.

- Takornariartitsisarnerup annikilleriarnerani niuernikkut atugassarititaasunut naleqqussarniarluta, Kalaallit Nunaanni ilisimasortaqartitsisarnerput DanPilot toqqaannartumik aqqutigalugu pisalissaaq, DanPilot allappoq.

Suliffeqarfiup ilisimasortaqartitsisartup Nuummi allaffini ammatiinnassavaa, Greenland Pilot Service ApS-imilu pisortaaneq Peer Bøje Brandenborg allaffimmi pisortatut ingerlaannassaaq, issittumilu ingerlatsinermi pisortatut taaguuteqartinneqalerluni.

Powered by Labrador CMS