Skip to main content

Suliffeqarfik misissueqqissaarnermik ingerlatsisup siunissaa ullumi paasineqassaaq

Suliffeqarfik misissueqqissaarnermik ingerlatsisoq alikiisinnaajunnaalersoq, Nunaminerals, Naalakkersuisunit akuerineqarnissani aqagu neriuutigaa

Suliffeqarfik misissueqqissaarnermik ingerlatsisoq, Nunaminerals, aningaasaqarnini aamma qanoq iliuuseqarnissani saqqummiutissavaa apriilip 17-ani. Namminersorlutik Oqartussanit qanoq iliuuseqartoqassanersoq pissanngatigineqarpoq. 

Suliffeqarfik Namminersorlutik Oqartussanit ilaannakortumik pigineqartup siunissaa paasineqassaaq. Suliffeqarfiup nalunaarutigisareerpaa apriilip 17-ani qanoq ingerlariaqqittoqarnissaannik pilersaarummik saqqummiussisoqassasoq, kiisalu 2014-mi aningaasanut missingersuutit aamma saqqummiunneqartussaallutik. 

Kisianni aamma siulersuisut aalajangersinnaapput sulineq tamaanga unitsiinnarniarlugu, taamatullu aalajangertoqarnissaa naatsorsuutigineqarneruvoq. Taamatut aalajangertoqassappat taava Nunaminerals akiliisinnaajunnaarnini pissutigalugu matuinnartariaqalissaaq.

Ataatsimiinnerit
Qanoq aalajangertoqassanersoq suliffeqarfimmi pisortaasup Ole Christiansenip oqaatigerusuppallaanngilaa. 

- Periarfissagut misissortariaqarpagut. Siulersuisuni ataatsimiingajalerpugut, Ole Christiansen sapaatip akunnerani matumani oqarpoq.

Suliffeqarfik misissueqqissaarnermik ingerlatsisoq annaanniarlugu tuluk aningaasaliisartoq Greenland Mining Managementimit (GMM) Patrick Newman pilersaarusiorpoq qaammatini kingullerni. 

Frankfurtimi allattorsimaffeqalernissaa
Børsip allanngorneratigut Nunamineralsimut aningaasaliiniartunik ujaasisoqarnissaa sulissutigineqarpoq. Københavns Fondsbørsimi Nasdaq Copenhagenimi suliffeqarfiup aktiai inissisimapput. Taakku Frankfurtimut nuutsinniarneqarput. Nuutsinnera suliffeqarfimmut pitsaanerusoq nalilerneqarpoq. 

Pilersaarutigineqartorli iluatsissanersoq suli ilisimaneqanngilaq. Kisianni Frankfurt-imut aktiaatit nuunneqarnissaannut pilersaarut pimoorunneqartoq GMM-it oqaatigineqarpoq. Taamatut pisoqarnissaa Namminersorlutik Oqartussanit akuerineqarnissaa neriuutigineqarpoq.

Tysklandimut nuunneq iluaqutaassaaq
- Frankfurtimi atorfillit suleqatigalugit Namminersorlutik Oqartussani atorfillit qaaqquneqarput, tassani Frankfurtimi iluaqutissat saqqummiunneqassapput, GMM tusagassiutinut nalunaaruteqarpoq. 

Nunamineralsip aktiatai Frankfurtimut nuunneqassappata anguniarneqassaaq suliffeqarfiup akiitsuerunnissaa. 

Tassani Namminersorlutik Oqartussat pingaarutilimmik inissisimavoq. Inatsisartut aningaasaqarnermut ataatsimiititaliaa Nunamineralsimut 4,5 million koruuninik atukkiussaqarpoq ukioq kingulleq. Atukkiunneqartut februaarimi ukioq manna utertinneqarsimasussaagaluarput. Nunamineralsilli aningaasaqarnera pissutaalluni tamanna iluatsinneqanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER