Skip to main content

Suliffeqarfik ikuallattoq - transformatorimi ikuallanneq aallartissimannguatsiarpoq

Arfininngorermi ullup-qeqqata missaani Nuummi suliffeqarfiup nutsertitsisartup Usisaatip illuutaa annertuumik pujuliulersimavoq. Politiit nal. marlup eqqaani ilisimatitsissutigaat, ikuallattoq qaminneqarsimasoq, maannalu ikuallannermut suna pissutaanersoq misissuiffigineqartoq.

Takuuk: Politiinit paasissutissat nutaat ilanngullugit ilanngutassiaq na. 14.00 nutarterneqarpoq.

Arfininngornermi ullup-qeqqata missaani Nuummi illu suliffeqarfiup Susisaatip illuttaa annertuumik pujuliulersimavoq.

Upalungaarsimasut arlinnik biileqarlutik ikuallattumiipput qatserillutillu.

Kalaallit Nunaanni Politiinit ilisimatitsissutigineqarpoq, ikuallattoqarnernik nal. 12.14 nalunaaruteqartoqarsimasoq:

Transformatorimi ikuallanneq aallartissimasinnaasoq

Politiit nalunaaqutaq marlup missaani ilisimatitsissutigaat, qatserisartunit ikuallattoq qaminneqarsimasoq, qatserisartulli ikuallattoq qamivinniarlugu ikuallaqqittoqalinnginnissaalu isumaginiarlugu suli sumiiffimmiittut. Politiit aamma misissuiniarlutik suli sumiiffimmiipput.

Pigaartut pisortaata ilanngullugu ilisimatitsissutigaa, ikuallanneq transformatorimiimaluunniit suliffeqarfimmi innaallagissamut aqqutit ilaanni aallartissimagunartoq.

- Ikuallattoq qaminneqareerluni nillorpat aatsaat tamanna erseqqissumik oqaatigisinnaalissavarput. Teknikkikkut misissueqqissaagut aamma qatserisartut røgdykkerii kiisalu takunnissimasut oqaloqatigineqassallutik, pigaartut pisortaat allappoq.

Assersuisoqarunnaarsimasoq

Jens Rønbergip oqaatigaa, misissuinermi paasisaqarnissamut piffissaq ingerlaqqaassasoq, tamatumalu kingorn politiit ikuallannerup qanoq aallartissimanera nalunaarutigisinnaanngussagaat.

Sumiiffimmik assersuisimaneq atorunnaarsinneqarsimavoq.

Politiinit oqaatigineqarpoq, ikuallattoqarnerani ajoqusertoqarsimanngitsoq.

Suliffeqarfik nutsertitsisartoq imaatigullu assartugassanik isumaginnittartoq Usisaat illumi pineqartumi qullersaqarfeqarlunilu sannaveqarpoq.

2021-mi apriilip qaammataani Usisaatip illuttaa nappaqqammerneqarluni aamma ikuallangaatsiarnikuuvoq.

Tasiilami piterartoqarnissaanik aarlerisaarineq

DMI-p sapaatip akuunerani uani aappassaanik aarlerisaaruteqarpoq. Sisamanngornerup tallimanngornerullu unnuaanni Tasiilami piterartoqarnissaa.

Piteraq sakkortorujussuarnissaa...

Nuummi anorersuaq: Atuarfiit paaqqinnittarfiillu ammaannassapput

Nuummi atuarfiit paaqqinnittarfiillu ammaannassapput, ualeru anorersuartoqarnissaanik aarlerisaarisoqaraluartoq. Angajoqqaat kaammattuneqarput anorersuup allanngoriartornera nammineerlutik...

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER