Suliffeqarfiit: Tiinganiarnerit eqqummaffigineqartut
Kisitsisinik piviusunik soorunami arajutsisoqarsimasinnaavoq. Kisianni suliffeqarfinnut anginernut arlalinnut paasiniaanerit takutippaat suliffeqarfinni sulisut akornanni tiinganiarluni qaninniartarnerit akuttusut.
Pisortarisap, pissaaneqarnini atornerlullugu, sulisuminut tiinganiarluni qaninngoornera. Imaluunniit suleqatip suleqatiminut, timini oqaatsiniluunniit sakkugalugit, tiinganiarluni qaninngoornera. Taamaattoqarpiartarunanngilaq. Nunatsinniunngitsoq, akerlianilli Qallunaat Nunaanni suliffeqarfinni arlalinni suleqatigiit akornanni tiinganiarluni qaninngoornerit annertuumik ukkatarineqarput, ilaatigut tusagassiornermik suliaqartut akornanni.
Tamanna AG-ip nunatsinni suliffeqarfinnut amerlasuunik sulisulinnut paasiniaanerata ersersippaa.
- Ukiuni sisamani KNR-imi pisortaaneruninni, sulisut akornanni imaluunniit aqutsisup sulisumut tiinganiarluni qaninniarsimaneranik misigisaqarsimanngilagut, KNR-imi, 90-init atorfeqarfigineqartumi, pisortaaneq Karl-Henrik Simonsen oqaluttuarpoq.
Kisianni suleqatigiit imigassartalimmik katerisimaaqatigiinneranni killissamik ataasiarluni qaangiisoqarsimavoq.
- 2016-imi immaqaluunniit 2017-imi juullilernerani sulisut katerisimaaqatigiinneranni sulisoq suleqatiminut ajuutiginnilluni malugisimaarluni nassuersimavoq. Allamik susoqarsimanngilaq, Karl-Henrik Simonsen oqaluttuarpoq. Taassuma ilanngullugu ilisimatitsissutigivaa sulisoq malugisimaarluni nassueruteqarsimasoq KNR-imit kingorna oqaloqatigineqarsimasoq aamma KNR-ip tiinganiarluni qaninngoortunut akuersaanngilluinnarneranik ilisimatinneqarsimasoq oqaluttuaraa.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: