Skip to main content

Suliffeqarfiit oqartussallu ilinniartunik atorfinitsitsinissamut pisussaaffilerneqassasut

Naalakkersuisut inatsisissatut siunnersuutaat nutaaq aqqutigalugu amerlanerusut ilinniarfissaqalernissaat qulakkeerneqassaaq

Suliffeqarfiit oqartussallu ilinniartunik sungiusartunillu atorfinitsitsinissamut pisussaaffilerneqassapput. Inatsisissatut siunnersuummi Naalakkersuisut ullumi Inatsisartunut saqqummiussaanni taamatut allassimasoqarpoq.

- Siunnersuummut siunertaavoq inuusuttortatta amerlanerusut inuussutissarsiutini ilinniartitaanerni ilinniartutut imaluunniit sungiusartussatut aallartinnissamut akuerineqartarnissaat aammalu ammuinnaq ingerlasoqarnera ukiuni kingulliunerusuni misigisatta mumisinnissaa, Aatsitassanut Suliffeqarnermullu Naalakkersuisup Erik Jensenip (S) saqqummiussissutaani taamatut allassimasoqarpoq.

Suliffeqarfiit nassuiaasiortassasut

Siunnersuut malillugu, suliffeqarfiit oqartussallu tamarmik ilinniagaqarsimasumik ataatsimik arlalinnilluunniit sulisoqartut, ilinniartoqartussatut imaluunniit sungiusartoqartussatut akuerineqarnissamut qinnuteqartassapput. Suliffeqarfik akuerineqaruni pisussaavoq, ilinniartumik aamma sungiusartumik atorfinitsitsinissamut.

Ukiumi pineqartumi ataatsimi ilinniartunik sungiusartunilluunniit naammattunik atorfinitsitsisoqarsimanngippat, suliffeqarfik oqartussalluunniit sooq pisussaaffimminnik naammassinnissimannginnertik pillugu nassuiaasiussapput.

- Siunnersuut pisortat namminersortullu suliassaqarfiini sunniuteqarluarnerulersitseqataassasoq, nalinginnaasumik naatsorsuutigineqarpoq. Siunnersuutip atuutilersinneqarnera taamaalilluni inuiaqatigiit kalaallit neriulluarnartumik ineriartornissaannut iluaqutaasussaavoq. Piffissap ingerlanerani tamanna Kalaallit Nunaanni atugarissaarnermik qaffasinnerulersitsisussaavoq aammalu suliffissaqartitsinerulernissamik ilinniarsimasullu amerlanerulernissaannik qulakkeerissalluni, siunnersuummut nassuiaatini taamatut allassimasoqarpoq.

             

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER