Skip to main content

Suliffeqarfiit amerlasuut pinngortitaq eqqaavittut atorpaat

Sermersuumi suliffeqarfiit tamarmik eqqakkanut malittarisassat malillugit suliarinninneq ajorput

Kommuneqarfik Sermersuup suliffeqarfiit avatangiisinut akisussaaffeqarnerminnik puiguisut maanna kajumissaaruteqarfigai.

Kommuneqarfik Sermersuumi suliffeqarfiit 1.300-nik amerlanerusut amerlanerpaartaasa pinngortitaq avatangiiserlu paarilluarpaat. 

Atuaruk: Nuummi januarip aallaqqaataani puiaasanik immikkoortitsineq aallartissaaq

Piffissaq annertooq
- Ajoraluartumilli ilaasa amerlavallaat tamanna soqutiginagu pinngortitaq eqqaavittut atortarpaat, Kommuneqarfik Sermersuup Sanarfinermut Avatangiisinullu immikkoortortaqarfiani avantangiiseq pillugu teknikeri, Susanne Berglund oqaluttuarpoq.

Tamannarpiarlu pissutigalugu kommunip aningaasarpassuit piffissarlu annertooq atortarpaat, suliffeqarfiit eqqakkanik ulorianartunik maangaannaq igitsisarnerisa nakkutiginerinut.

Anartarfik kuutsiinnartaraat
Pinngortitamut maangaannaq igitat tassaanerusarput akkumulaatorit, batteriit, sannatit sarfatortut, qulliit takisuunik pæritallit, qalipaatit, uuliakut, koperinernut atortut, qarasaasiat allallu eqqakkat ulorianartut.

Suliffeqarfiit ilaasa anartarfitik suliffeqarfimmi eqqaanut nunamut kuutsiinnartaraat, Susanne Berglund aamma oqaluttuarpoq.

Ulorianarsinnaasoq
- Pinngortitaq avatangiiserlu innuttaasunit illersorneqartut assigalugit suliffeqarfiit aamma akisussaapput, eqqakkanik ulorianartunik igitassaateqarunik, tamakku kommunip eqqakkanik tigooraaviannut akiliinikkut tunniussiartornissaminnik, taanna eqqaasitsivoq.

Atuaruk: Ilulissat Aasiaallu nutaanik ikuallaavittaassapput

Eqqakkat ulorianartut pinngortitamik annertuumik aseruisinnaapput, tassami tamakku ilarpassui akuutissartaqarput arriitsuararsuarmik arrortinneqarsinnaasunik imaluunniit arrortinneqarsinnaanngivissortunik. 

Akuutissat ulorianartut pinngortitamiinnerminni piniagassanut, aalisakkanut naasunullu akuliussinnaasarput.

- Taamaattumik tamakku kommunip eqqakkanik tigooraavianut erngertumik tunniunneqartussaallutik, ersarissumik suunerinik allagartalerlugit, kommunimi akisussaasut oqarput.

Kommuni aamma ikuallaaviup eqqaani Pukuffik 7-imi Eqqagassalerineq pillugu Sullissiveqarpoq, qanoq iliornissamik nalornissuteqaraanni taanna saaffigineqarsinnaavoq.

Atuaruk: Sermersuumi eqqaaveqarnerulissaaq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER