Suliffeqarfeeraateqalersut: Arpagitsi!
Nukappiaqqat eqimattat Nuummi NUiF-imiittartut namminersortutut suliffeqarfeeraatitaarnerminni peqqinneq timersornerlu ukkatarerusuppaat. Taakku aappaagu arpatsitsissallutik pilersaarusiorput.
Nuummi innuttaasut peqqinnerussapput timersornerullutillu. Nukappiaqqat eqimattat, namminersortutut suliffeqarfeeraliortut taama isumaqarput, aappaagulu arpatsitsinissamik pilersaarusiuleruttorlutik.
Mind Your Own Business tusagassiutinut taama nalunaaruteqarput.
Eqimattaq Mind Your Own Businessimiit tapersersorneqarpoq, Mind Your Own Businessip nukappiaqqat 13-iniit ukiullit angutit 21-nik ukiullit tungaannut suliffeqarfeeraliornissaannut tapersersortarpai, kajumissutsiminnik suleqataasut venturepilotit Nuummilu suliffeqarfinnit inuussutissarsiutilittut ikorfartuisut qanimut
siunnersisorisarlugit.
Eqimattaq oqariartaatsimik nassaareersimavoq:
- Pissanganartorsiorneq annikinnerusoq, ataqatigiinneruneq aalanerunerlu!
Business Awards
Suliffeqarfeeqqamik aallarnisaasut venturepilotinik kajumissutsimillu suliaqarluni ikorfartuisunik sapaatit akunneri tamaasa naapitaqartassaaq, isumassarsiamik inerisaassalluni. Suleqatigiinneq 2020-mi maajip tungaanut ingerlassaaq, tassani nukappiaqqat Business Awardsimi suliaminnik saqqummiissallutik.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...