Aalisarneq
Suliatigut peqatigiiffiup kinguppanniarneq unitsinnissaa innersuussutigaa
Royal Greenlandip canadamiut Quin-Sea Fischeriesip ingerlanneqarnera tigungajalerpaat, taakku kinguppannik assagiarsunnillu tunisassiortuupput. Maanna sulisut kattuffiata kinguppanniarnerup unitsinnissaa innersuussutigaa
Labradorimit Newfoundlandimilu Royal Greenlandip sumiiffimmi aalisarnermik suliffeqarfiit annersaannik tigusilerfianiit aarlerinartunik kalerrisaarisoqarpoq.
Sapaatip-akunnerani kingullermi Canadami tusagassiuutit kinguppaqassutsimut kisitsisit nutaat ilungersunartumik kinguneqarnissaat sammivaat.
Atuaruk: Royal Greenlandip canadami unammillertini pisiaraa
Ikileriarujussuartut
Newfoundlandip avannamut kangimut sineriaata Labradorillu kujammut kimmut sineriaata imartaani ‘aqutsiveqarfimmik 6-imik’ taagorneqartumi kinguppaat nungulerunarput.
Tassarpiaappullu Quin-Sea Fisheriesip kinguppannik assagiarsunnillu 11.000 tonsinik ukiumut suliarisartakkamik ilaannik aallerfigisartagai.
Aalisarnermik suliaqartut kattuffiat The Fish, Food & Allied Workers Union (FFAW) tusagassiuutinut allappoq sumiiffimmi pineqartumi kinguppanniarneq unitsittariaqartoq.
Atuaruk: Kalaallinuna suniaraatigut?
Tamatumani nalunaarusiaq kattuffimmit pigineqartoq innersuussutigineqarpoq.
- Paasissutissat pigisavut eqqorsimappata avannaani kinguppanniarnermut ajornakusoortumik inissisimavugut, tamannalu inuiaqatigiinnut pineqartunut kinguppanniarnermik isumalluuteqartunut annertuumik kinguneqarsinnaalluni, kattuffiup siulittaasua Keith Sullivan oqarpoq.
Atuaruk: Thinghuus canadamiunut eqqissisaavoq: Uagut pitsaanerpaavugut
AG-mi saqqummeqqammertumi allaaserisaq tamaat atuaruk. Aviisi pisiniarfimmi imaluunniit uani ataani e-aviisitut pisiarisinnaavat: