Skip to main content

Suliareqqitassat aallartinneqartut

Nuugaatsiami innuttaasimasut tassaarnersuaqarmat sunik tamanik annaasaqarsimasut sumut nuukkusunnersut oqartussat maannakkut paasinialerpaat

Uummannap eqqaani qaqqaq sisoortoq malerujussuarmik pilersitsimmat nunaqarfik tamakkerluni suujunnaarsinne­qarpoq aamma nunaqarfiit marluk matu­neqarnerisa malitsigisaanik Nuugaatsiami aseruatiterneqarsimaqimaqisumi innuttaa­sut 100­t missaanniittut allami najugassarsi­sariaqarput. 

Sermitsiaq aviisi taama allaaserinnippoq.

Niaqornat innuttaasut aamma qimagus­sorneqareersut ammaqqippoq innuttaasullu nunaqarfimminnut uteralersimapput. Illor­suit suli matoqqavoq aamma Nuugaatsiaq qagugu ammaqqikkumaarnersoq ilisimane­qanngilaq. 

– Nunaqarfimmut tamarmik uteqqinnis­saat qaqugungaatsiaq aatsaat qaangiuppat pissagunarpoq. Inuuniarnermi atugassat tamarmik nunaqarfimmik ingerlatsinermut atugassat aserorneqarsimapput. Pisiniar­feeruppoq, atuarfeeruppoq, allaffeeruppoq aamma innaallagissiorfeeruppoq, tamak­kulu nunaqarfimmiitinnagit Nuugaatsiaq inuneqqikkunnanngilaq. Maannakkut siumut isigissaagut innuttaasullu pitsaaner­paamik siunissaqartilerlugit ikiussavavut, Avannaata Kommuninngorumaartumi borgmesterinngorumaartoq, Palle Jeremiassen, oqarpoq. 

Nunaqarfik piorsaaffigeqqinneqarniartoq pisortatigoortumik nalunaarutigineqarpoq, kisianni tamanna qaqugu piumaarnissaa suli ullulerneqarsinnaanngikkallarpoq. Taamaattumik innuttaasut maannakkut so­rusunnersut aamma sumunnarusunnersut oqartussaasut paasisariaqarpaat. 

Hvor er der boliger

– Nuugaatsiarmiut tamarmik sumi na­jugaqarusunnerminnik akisassaminnik arlalinnik aperineqarsimapput. Sumi illussaqarnersut maannakkut paasinialerut­torparput. Ilaat Uummannameerusupput taassumalluunniit nunaqarfittaasa ilaanni aammali allaqarpoq illoqarfinni allani naju­gaqarusuttunik. Taamaattumik illoqarfinni allani soorlu Ilulissani, Qasigiannguani, Aasianni, Upernavimmi Qeqertarsuarmilu illussaqarnersut paasiniaruttulerparput. Maannakkorpiaq kollegiani atuartulluunniit angerlarsimaffianni najugaqarput, taamaat­ tumik piaarnerpaamik sumiiffissarnissaat pingaarutilerujussuuvoq. Kisianni tamakku­nannga qanoq amerlatigisut uterusunnersut apeqquterujussuusoq Palle Jeremiassen oqarpoq.

 

Både og udstyr

Kikkut umiatsiaminnik atortuutiminnil­lu annaasaqarsimanersut, aamma ta­makku qanoq utertinneqarsinnaanersut, taamaalillutik aalisaleqqinniassammata, oqartussaasut paasiniaruttulerpaat. Aamma tamakku aallarteqqissappata aningaasat suminngaanniissanersut paasiniarneqartus­saapput, tamannalu piaarnerpaamik pisa­riaqarpoq. 

– Maannakkorpiaq sumi umiatsianik atortussanillu eqqugaasunut pisisoqarsin­naanersoq paasiniarneqarpoq. Umiatsianik tuniniaasartut sunik umiatsiaateqarnersut, motooriuteqarnersut atortuuteqarnersullu sianerfigiortorlugit paasiniaaffigineqaruttulerput, taamaalillutik aalisartut inuussutis­sarsiumminnik piaarnerpaamik aallartitsi­niassammata, Palle Jeremiassen, oqarpoq. 

Allaaserisaq tamakkerlugu Sermitsiaq aviisimi kinngullermi saqqummertumi atuaruk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER