Suliaqarfimmut aqutsisoq: Tasiilarmiut ataatsimoornerat nukittoqutaavoq
Innuttaasunik ataatsimiititsinermit akerliussutsimillu takutitsinermit Tasiilami innuttaasut inuunermi pitsaasut nittarsaannissaannut ataatsimoorusussuseqarnerat ersersinneqarpoq
- Innuttaasut maanna pissutsinik naammagiliisimanerminnik oqaasinnguinerat nuannaarutigaara. Nuanniitsut isertuunniarnagit, kisianni ingerlalluartut isiginiarneqartilerumallugit.
Taama Kommuneqarfik Sermersuumi Tasiilamut tunngasuni suliaqarfimmut aqutsisoq, Hjørdis Viberg, oqarpoq. Taanna erseqqissaalluni oqarpoq, tamanna innuttaasunit pisuusariaaqartoq. Kommunip suut tamaasa suliarisinnaanngilai, AG allappoq.
- Illoqarfimmiut ataatsimoorlutik katersuunnerat illoqarfiup nukittoqqutigaa. Innuttaasut ataatsimoorusunnertik naqissuserpaat, Hjørdis Viberg oqarpoq, sapaatip-akunneranilu kingullermi akerliussutsimik takutitsineq innuttaasunillu ataatsimiititsineq nuannaarutiginerarlugit.
Illoqarfimmi ukiuni arfineq-marlunni affarmilu najugaqarsimavoq, Tasiilarlu pillugu pisartut nuanniitsut nuannersunit inituneruleraangata nanertisimanartuusarnera isertuutinngilaa.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: