Skip to main content

Suliami utoqqatsernissaq Naalakkersuisut orniginngilaat

Kalaallit Nunaat meeqqanut 1951-imi angajoqqaaminniit peerneqarlutik Danmarkimut misiliutitut aallartinneqartunut utoqqatsissanersoq pillugu, Naalakkersuisut siumoortumik aalajangersinnaanngilaat.

Danskit naalagaaffiat kalaallinut arsaarinnissutigineqarsimasunut pisortatigoortumik utoqqatsernissaa pillugu, Folketingimi aalajangigassatut siunnersuuteqartoqarpoq.

Tamassumunnga tunngatillugu Stine Egede (IA) paragraf 37 atorlugu ima apeqquteqarpoq:

”Qanga 1951-imi misileraanertut taallugu meeqqanut 22-nut Danmarkimut aallartinneqartunut tunngatillugu danskit naalakkersuisui pisortatigoortumik naalagaaffik sinnerlugu utoqqatsissagaluarpata, Naalakkersuisut tapersiissagaluarpaat?”

Landsrådi peqataatinneqartoq

Peqqissutsimut, Isumaginninnermut Inatsisinillu atuutsitsinermut Naalakkersuisoq, Martha Abelsen, akissuteqarpoq, danskilli kalaallillu tungaanniit utoqqatserfigineqarusuttunut akissut tusarluarnartuunngilaq.

Taamanimi Landsrådiusoq naalagaaffiup kissaataanik, Red Barnetip Dansk Røde Korsillu suliarisassaanik, taperseereerneratigut aalajangertoqarpoq.

- Sammisaq pillugu Landsrådip isumaqatiginninniarnerisa misissuataareernerisigut paasineqarsinnaavoq, misiliinermik taaneqartup naammassinissaanut naalakkersuisut Red Barnetimut aamma Dansk Røde Korsimut tapersiinissaannut, taasereernikkut Landsrådit tapersiisimammata, Martha Abelsen akissummini allappoq.

Akisussaaqataaneq

- Tamanna tunngavigalugu pisunut naammassineqartunut akisussaaqataavinnermut peqataanerup nassuiarnissaa ajornakusoortoq isumaqarpunga, suliami Landsrådip isumaa apeqqutaatinnagu oqartussaasut misiliinermut tapersiinerannut sunniuteqaqataasimanissaa naatsorsuutigineqartariaqarpoq, akissummini allappoq.

Pisimasut pillugit danskit naalagaaffiat utoqqatserumasinnaanera ilisimaneqanngitsoq, Martha Abelsen erseqqissaavoq.

Naleqquttuunngilaq

- Taamaattumik aalajangernermut taamaattumut Naalakkersuisut qanoq isummissanersut siumut nalunaarutigeriissallugu naleqquttuunngitsoq isumaqarpunga. Tassani pisariaqartumik aalajangersimasumik aalajangertoqarsimanissaa imaluunniit naalakkersuisut tungaannit najoqqutarineqarsinnaasumik  summersimanissaq naatsorsuutigineqassaaq, Martha Abelsen isumaqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER