Skip to main content

Suli isumaqatigiittoqannginnera pissutaalluni isorliunerusut angallannikkut eqqorneqarput

Air Greenland sumiiffiit ilaanni timmisartuussinissamut isumaqatigiissutinik suli isumaqateqarsimannginnera pissutaalluni ukiortaamit angalaniarnermut suli inniminniisoqarsinnaanngilaq

Ukiortaarerpat qaqagukkut angalasinnaavunga?

Angalaniartut ilaat tamanna apeqqutigilersinnaavaat qaammatini tulliuttuni.

Tassami angallassinissamik isumaqatigiissutit aqqanillit suli isumaqatigiissutigineqanngillat. Isumaqatigiissutaasut naammassippata Air Greenland aamma angallassinissamut pilersaaruteqanngilaq.

Ineqarnermut, Sanaartornermut Angallannermullu Naalakkersuisoqarfik aasarli isumaqatiginninniarfigineqalerpoq. Isumaqatigiittoqaqqaartinnagu timmisartuutileqatigiiffik ilaasunut nalunaaruteqarsinnaanngilaq.

- Juullimi angallannermut tunngatillugu aperineqallattaalereerpugut, taakku erseqqissumik nassuiaassinnaanngilagut suli. Isumaqatiginninniartoqarpoq, neriuutigaarpullu ungasinngitsumi isumaqatigiittoqarnissaa, Air Greenlandip pisortaa Michael Højgaard oqarpoq.

Namminersorlutik Oqartussat pitsaasumik isumaqatiginninniarfigineqartoq oqarpoq. 

Isumaqatigiissummimi ilaassaaq sumiiffinni angallannermut isertitaqarfiunngitsuni aamma angallassinissaq.

Kujataani angallannerup nutarterneqarnera pissutaalluni sulisut 30-it ukioq kingulleq soraarsinneqarput. Kujataanimi qulimiguulimmik kiisalu umiatsiamik angallassisoqartarpoq. 

Isumaqatigiissutaasut ukioq kingulleq annaaneqarput Inatsisartunut qinersisoqarnera pissutigalugu, siulianilu isumaqatigiissutaasoq ingerlateqqinneqaannarluni. 

- Marloqiusamik angallassisoqarnissaa naatsorsuutigineqanngilaq ukioq manna. Namminersorlutik Oqartussanit tamanna anguniarneqanngilaq. Kisianni arlaannik pitsaasumik aaqqiisoqarnissaa naatsorsuutigaara, Michael Højgaard oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER