Suleqatigiit arnallu pinerluffigineqartunut tuppallersaallaqqinnerupput

Inuit nakuuserfigineqarnermit tillinniarfigitinneqarnermilluunniit kingorna pakkunneqarnissamik tangiartulaartinneqarnissamilluunniit pisariaqartitsileraagata suleqatit siullersaallutik iliuuseqartarput. Taama Videnskab.dk allaaserinnippoq.

Ilisimatusarnerup nutaap takutippaa, inuttut attaveqarnerput qanoq innersoq naapertorlugu aalajangiisuusartoq tuppallersaallutik pakkussisoqartarnersoq.

Attaveqarneq kimittunerutillugu pakkussineq tangiartuilaarinissarlu periarfissagissaarnerusoq.

Angutinut naleqqiullugu arnat pakkussinissaminnut tunuarsimaannginnerujussuupput kisianni angutit arnallu pisariaqartitsinerini pakkunneqartarput, ilisimatusarnerup nutaap tamanna takutippaa.

- Takorluugaq ulapippallaarnerup kingunerisaanik immitsinnut attaveqarnissatsinnut periarfissaqannginnermit imalik eqqunngilaq. Takusinnaavarput inuit imminnut akisussaaqatigiittut. Tupaallannarunanngikkaluarpoq taamaattorli ilioriasaarsinnaanerup tamanna qulakkeerpaa. Iisimatusarnitsinni takusinnaavarputtaaq kikkut nakuuserfigitsittumut tuppallersaallaqqinnerunersut kikkullu tupallersaallaqqinnginnerunersut, lektori Marie Rosenkrantz Lindegaard Sociologisk Institut Københavns Universitet-meersoq oqaluttuarpoq.

Ilisimatusarnerup nutaap inernerat, pinerluffiusumi video-kkut nakkutilliinerit naapertorlugit suliarineqarpoq tamannalu ilisimatusarnikkut tunngassutilinnik allaaserinnittartumik atugassiami PLoS ONE-mi saqqummeqqammerpoq.

Inernerit tupaallannanngillat.

Ilisimatusarnerup nutaap inernera tupaallannanngilaq, lektori pissusilersornernullu ilisimatooq Pelle Guldborg Hansen, Roskilde Universitet-mi Center for Videnskab, Samfund og Politik susassaqarfianni pisortaasoq oqaluttuarpoq.

Nammineq ilisimatusarnermi peqataanngilaq kisianni atuarsimanerarapaa inerneralu tupaallaatigisimanagu unnerpoq isumaqarlunilu ilisimatusarneq `torrallataasuusoq`.

- Pissaganartuuvoq nakkutiginninnermi atortut atorlugit tamakku takusinnaammatigit. Inernera tupaallannanngilaq kisianni soqutiginarpoq ilisimanasuisagut uppernarsillugit Jeppe Guldborg Hansen oqarpoq.

Pissusilersornernut ilisimatooq naapertorlugu tupaallannanngilaq suleqatit allanut naleqqiullutik nakuuserfingitittut tuppallersarnerusaraat kiisalu arnat tuppallersaallaqqinnerusut – soorlu arnat ileqqumisut tuppallersaasarnerat eqqarsaatigalugu.

- Eqqaamaneqassaaq angutit arnallu tupallersaariaaseq ataaseq pisariaqartinngimmassuk. Soorlu arsaattartoq kortimik aappaluttumik takutitsivineqartup eqiagissammagu arsaattartoqammi pakkulluni tuppallersassappani. Piumasarinerussagaluarpaa dommerimut kamanninni saassusininilu arsaqammi tapersissagaa. Angutit pinerluffingitittutut inissinneqarnissaq iluarivallaarneq ajorpaat taamaattumillu aamma anguterpassuit angut alla pakkunnissaanut tunuarsimaartarput, taamaaliornikkut pinerluffingitittutut inissisimalernissi tunngavigalugu, Pelle Guldborg Hansen nassuiaavoq.

Hollandimi tillinniarnerit video aqqutigalugu atortut atorlugit isiginnaakkat

Marie Rosenkrantz Lindegaard-p ilisimatusarnerata takutippaa nakuusertoqartillugu kiap kina tuppallersarneraa.

Nakkutilliinernut isiginnaarutit atorlugit tillinniat tillinniariaraluartulluunniit Amsterdam-mi Rotterdam-milu pisiniarfinni tigusaapput, tassani amerlanertigut tillinniarfingitinnerup kingorna nakuuserfigineqartut suleqatiminnik pakkunneqartartut takuneqarsinnaapput naak pisiniat qaninnerugaluarlutik isiginnaaginnartartut.

- Takutiinnarpaa attaveqarneq qanoq pingaaruteqartigisoq immitsinnut tuppallersaaneq pineqartillugu. Attaveqarluarutta immitsinnut tuppalersarnissatsinut iliuuseqarnerusarpugut isiginnittuinnartut inissisimanitsinnut naleqqiullugu, Marie Rosenkrantz Lindegaard oqarpoq.