Suleqatigiissut nutaaq aqqutigalugu internetsikkut isumannaallisaaneq nukittorsarneqasssaaq
Naalakkersuisut danskillu naalakkersuisuisa internetsikkut paasissutissiisarnikkullu isumannaallisaaneq pillugu suleqatigiinnerup nukittorsarneqarnissaa pillugu siunnerfik atsioqatigiissutigisimavaat.
Siunnerfimmi pineqarpoq digitaliseriinerup Kalaallit Nunaanni annertusiartornera ilutigalugu sillimaniarnikkut isumannaallisaarnernik aarlerinartut pillugit
aaqqissuussisoqartariaqarneranik, digitaliseeriinermi atortulersuutit nutaanerpaat iluaqutigalugit aaqqissuussinikkut, Naalakkersuisut tusagassiorfinnut nalunaaruteqarnermi ilisimatitsippute.
Siunnerfigisaq illersornissamut ministerip Trine Bramsenip Nuummut tikeraarneranut atatillugu atsiorneqarpoq.
Tikeraarnermini Ineqarnermut Attaveqaqatigiinnermullu Naalakkersuisoq Karl Frederik Danielsen aamma Nunanut allanut Nukissiuuteqarnermullu Naalakkersuisoq Steen Lynge ataatsimeeqatigissavai.
Siunnersuineq ilitsersuinerlu
Naalakkersuisut naapertorlugit, siunnersuisut pillugit oqaaseqaat ilaqarpoq siunnersuisarnermik ilitsersuisarnermillu pisortanik, suliffeqarfinnik aammalu innuttaasunik, qarasaasiatigut saassunneqarsinnaanermik - taaneqartartumik cyberangreb – aalajaatsumik isumannaatsumillu pinaveersaartitsinissaq sakkortusisamik eqqarsaatigalugit, kiisa qarasaasiatigut saassussisoqarsinnaanerinik malinnaaveqarnissamik – sumannaallisaarnermik.
Siunnerfiusut pillugit oqaaseqaat aammattaaq allaaserinnippoq ataatsimut kissaataasumik
qitiusumik qarasaasiaqarnikkut sillimaniarnermik ingerlatsivik - Center for Cybersikkerhed - pillugu inatsisip Kalaallit Nunaanni atortuulersinneqarnissaanik. Tamanna pillugu inatsisissamut siunnersuut Inatsisartut ukiakkut ataatsimiinneranni sammineqassaaq.
Naalakkersuisut suliniut nutaaq pillugu nuannaaruteqartut:
- Assut nuannaarutigaara ataatsimoorluta aallusseqatigiinnerput piumassusilimmillu
aaqqissuulluakkamillu suleqatigiinnerput danskit naalakkersuisuilu qarasaasiaqarnikkut
sillimaniarneq – cybersikkerhed - eqqarsaatigalugu. Naalakkersuisut kissaateqarput suliniutaasut annertusarneqarnissaannik qarasaasiaqarnikkut aamma paasissutissiisarnikkut sillimaniarneq eqqarsaatigalugit. Pisortat ingerlatsiviini, suliffeqarfinni aamma inuttaasut akornanni.
Hackerit killigititaasunik ataqqinnittuunngitsut
- Anguniagaq tamanna ilalersorneqarpoq ataatsimoortumik oqaaseqaammi aammalu Qarasaasiaqarnikkut sillimaniarneq pillugu qitiusumik ingerlatsivimmut atatillugu inatsisissatut siunnersuutikkut, Naalakkersuisoq Karl Frederik Danielsen oqarpoq.
Illersornissamut ministerip Trine Bramsenip aamma oqaatigaa, hackerit killigititaasunik ataqqinnittuunngitsut, taamaammallu Kalaallit Nunaata Danmarkillu internetsikkut isumannaallisaanermik annertusaaqatigiinnerat pitsaasuullunilu pingaaruteqaqrtoq:
- Taamaallillunimi inuiaqatigiit kalaallit qaffasissumik illersugaassapput.
Nuannaarutigaara inatsit qitiusumik qarasaasiaqarnikkut sillimaniarnermik ingerlatsivimmut, Center for Cybersikkerhed-mut tunngasoq atuutsilersinnissaa sulissutigineqarmat. Tamanna qitiusumik qarasaasiaqarnikkut sillimaniarnermik qitiusoqarfiup Kalaallit Nunaanni ikiuunnerulernissaanik isumaqarpoq – pinaveersaartitsissaaq qarasaasiakkullu saassussisoqarpat
ikiuisinnaalissalluni, Trine Bramsen oqarpoq.