Skip to main content

Suleqatigiissitsisut Ataatsimiititaliarsuarmit tunuarpoq

Suleqatigiissitsisut taakkunanngaanniillu Tunngaviusumik inatsik pillugu Ataatsimiititaliarsuami ilaasortaatitaat Anita Hoffer ataatsimiititaliarsuarmi akissarsianik imarisaanit sammisaqarfiunerusumi peqataanissartik kissaatiginngilaat. Tunngaviusumik inatsit pillugu Ataatsimiititaliarsuarmi ilaasortat akissarsiaqartinneqartalernissaat pillugu isumaqataanatik peqataaniarunnaarput.

Tunngaviusumik inatsit pillugu Ataatsimiititaliarsuarmi ilaasortat ukiortaamiit akissarsisinneqartalernissaat, taamatullu sulinerup ukiup affaanik sivitsuinissaq Naalakkersuisut ataatsimiinnerminni aalajangermassuk, Suleqatigiissitsisut isumaqataanatik Ataatsimiititaliarsuarmit maanna tunuarpoq.

LÆS OGSÅ: Tunngaviusumik inatsisissaq pillugu ataatsimiititaliarsuarmi politikkerit amerlanerusunik aningaasarsisalissapput

Tassa Tunngaviusumik inatsit pillugu Ataatsimiititaliarsuarmi ilaasortat, politikkimik suliaqarnerminni akissarsiaqartareersut, ataatsimiititaliarsuarmi sulinerminni akissarsiaqartalissapput.

- Suleqatigiissitsisut ataatsimiititaliarsuarmit ingerlaannaq atuutilersumik tunuarput. Suliami peqataatinneqarnerput pillugu qujavugut, isumaqarlutali sulinermi nikeriartoqarsimanngitsoq.

- Isumarput malillugu sulineq isumaqarfigineqarneranut naleqartiginngitsoq maannakkullu aamma akissarsiaqartitsinerulertoqassalluni. Namminiilivinneq erngiinnaq pinavianngilaq taamaattariaqanngilluinnarlunilu, suleqatigiissitsisut tusagassiutinut taama nalunaaruteqarpoq.

Partii isumaqarpoq Tunngaviusumik inatsit pillugu Ataatsimiititaliarsuarmi ilaasortanut akissarsiaritinneqartussat allanut pitsaanerusumik atorneqarsinnaasut.​​​​​​​

- Maannakkut uagut Anitalu paasivarput Tunngaviusumik Inatsit pillugu Ataatsimiititaliarsuarmi ilaasortat akissarsiaqassasut piffissatinneqartorlu sivitsorneqartoq. Akitsuutit qaffasinnerusut Ilanngaassivillu pillugu politikkikkut aalajangiinerit allat tunngavigalugit uagut imaluunniit Anita Hoffer tunngaviusumik inatsit pillugu ataatsimiititaliarsuarmi peqataasinnaajunnaarpugut.

Anita Hoffer, inissiaatileqatigiiffimmi INI-mi sulisunut pisortaavoq, suliffimmilu avataatigut Transparency International Greenlandimi kajumissutsiminik suliaqarluni. Anita Hoffer Ataatsimiisitaliarsuarmi pisinnaatitaaffiit pillugit suleqatigiissitami siulittaasuugaluarpoq. Suleqatigiissitsisuniillu Louis Sigurdsen sinniisuulluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER