Suleqatigiissitsisuni paatsiveerussimaartoqartoq
Michael Rosing Suleqatigiissitsisuni aningaasaqarneq misissuiffiginiarlugu partiimi siulittaasunngoqqikkusuppoq. Siulittaasuugallartup Tillie Martinussenip naatsorsuutini ajortoqannginnerarpaa, siulittaasutullu tunuarusunnani.
Suleqatigiissitsisuni siulittaasuusimasoq Michael Rosing 2019-imi martsip qaammataanili Suleqatigiissitsisut sinnerlugit nuna tamakkerlugu politikkeriujunnaareerluni, partiimi siulittasunngoqqikkusuppoq. sut tunuareerluni Efter at have været ude af landspolitik i Samarbejdspartiet siden marts måned 2019 vil tidligere formand Michael Rosing nu tilbage i partiet. Imaanngilaq kajungeringakku pisariaqarmalli, taanna Sermitsiaq.AG-mut oqarpoq.
- Siulittaasunngoqqinnissannik kissaateqanngikkaluarpunga, tusarsimavarali partii annertoorujussuarnik aningaasartuuteqarsimasoq, uanga isumanga malillugu illersorneqarsinnaanngitsumik. Tamatuma saniatigut partiip dankortia atorlugu nammineq inuttut atuisoqarsimannguatsiarpoq, Michael Rosing oqarpoq.
- Tusatsiakkat aaqqiiffiginiarlugit tamanna misissorusuppara imaluunniit partii iliuuseqartariaqarpoq, taanna oqarpoq.
Siulersuisuunerni avissaartuuttoqartoq
Siulersuisuni ilaasortatut sapaatip akunnerani kingullermi, partiip aningaasaqarneranik siulersuunerit aqutsinerannut akerliulluni tunuarsimasoq, naatsorsuutit pillugit Mchael Rosingimut paasissutissiisimavoq.
Maanna siulittaasuusoq Suleqatigiissitsisullu sinnerlugit Inatsisartuni ilaasortaasoq Tillie Martinussen pasilliutigineqartut pillugit paasinnissinnaanngilaq.
- Michael partiimik pilersitseqataasuuvoq, inuuvorlu nuannarilluinnagarput, taamaammat pineqartoq assut uggornarpoq. Siulersuisuunerit aningaasaqarnermik aqutsineq tapersersorpaat, tassa naatsorsuutinut tunngatillugu ajortoqanngilaq, taanna oqarpoq.
Siulittaasunngoqqissinnaaneq pillugu isumaqatigiinngittoqartoq
Tillie Martinussenip Sermitaq.AG-mut ilisimatitsissutigaa, pineqartoq pillugu oqaluuserinninnissaq siunertaralugu siulersuunerit ataasinngorpamut ataatsimiigiaqqusimallugit. Taanna siulersuunerillu naapertorlugit, Michael Rosing siulittaasunngoqqinnissamut periarfissaqanngilaq. 2019-ip aallartinnerni siulersuunernit tunuarlunilu nuna tamakkerlu politikkeritut suliunnaarsimagami.
Michaels Rosing allatut oqaaseqarpoq. Taannami oqarpoq sulinngiffeqarluni, taamaammallu siulittaasunngoqqinnissani kissaatigiguniuk siulittaasunngorsinnaalluni. Siulersuisuunerit ullut 14-it qaangiuppata ataatsimiigiaqqusimavai, piumasarisimallugulu 2019-mut 2020-mullu tunngatillugit uppernarsaatit tamaasa tunniunneqarnissaat, ataatsimiinnginnermi misissorniaramigit.
Michael Rosing Kommuneqarfik Sermersuup kommunalbestyrelsiani suli ilaasortaavoq, Nivi Olsenimut sinniisut aappaatut inissisimalluni. Tillie Martinussen sinniisutut siullertut inissisimagaluarpoq, marloqiusamilli atuuffeqarusunnginnami sinniisussatut tunuarsimalluni.