inissiat
Suleqatigiissitap Narsarmiut inissianik attortortut misissuiffigilerai
Kommune Kujalleq aamma ineqarnermut naalakkersuisoq Kommuneq Kujallermi, pingaartumik Narsap illoqarfiani, Inimit attortut anisitaasarneri suleqatigiissitamit misissorneqartussanngortippaat
Kommune Kujallermi borgmesteri, Siumumeersoq Jørgen Wæver Johansen aamma ineqarnermut, sanaartornermut attaveqaqatigiinnermullu naalakkersuisoq, Atassummeersoq Knud Kristiansen, suleqatigiissitamik, Kommune Kujallermi, pingaartumillu Narsap illoqarfiani anisitaasarnerit ajornartorsiutaanerannik misissuisussamik pilersitsisoqassasoq isumaqatigiipput.
Atuaruk: Kujataani borgmesterip akiligassanut ilanngaatsittoqartalernissaa kissaatigaa
Suleqatigiissitaq juunip aallaqqaataat nallertinnagu pingaartumik Narsami, kisiannili aamma kommunimi najugaqarfinni allani ineqarnermut akiitsut ajornartorsiutaanerannik misissuissaaq.
Atuaruk: Knud Kristiansenip ‘kiffaq-konto’ eqqukkusunngilaa
Politikerit taakkua marluk naapertorlugit suleqatigiissitaq qanoq iliorluni ineqarnermut akiliutinut akiliinngitsoortarnerit siunissami pisannginnissaannik qulakkeerisoqarsinnaanersoq pillugu isummernissamut tunngavissiamik suliaqassaaq.
Ineqarnermut tunngasut allaaserisat allat uani atuakkit