Suleqatigiinneq: Meeqqat qarasaasianik kodelerinermik ilinniassasut
TELE-POST-ip aamma Kommuneqarfik Sermersuup qarasaasianik kodelerineq atuarfinni atuartitsissutigisalissavaat
Tele-Postip Namminersorlutik Oqartussanit pigineqartup kissaatigaa kinguaariinni tullinnguuttut Kalaallit Nunaata digitalikkut siunnissaani salliutinneqarnissaat.
Meeqqat inuusuttullu inuunerat digitaliusoq qitiutillugu, piujuaannartitsinissamik tunngaveqartumik, ataatsimoorullugu suliniutissanik naleqalersitsisussanik, TELE-POST aamma Kommuneqarfik Sermersooq suleqatigiissutissamik isumaqatigiissuteqarput.
Isumaqatigiissuteqarsimasut tusagassiorfinnut nalunaaruteqarnerminni allapput.
Suleqatigiissutissap imarai misiliutigalugu suliniutissat atuaqatigiikkuutaat klassit sisamat ”coding class”-imik taaneqartut, upernaakkut 2020-mi aallartissasut.
- Ullut atuartitsiviusut tallimat ingerlanerini 7. klassimi atuartut TELE-POST-imiit unammillernartunik suliaqartinneqassapput, ajornartorsiut aalajangersimasoq aallaavigalugu atuartut aaqqiissutissaq suliaralugu naammassiniassavaat, kodelinerinikkut aaqqiissutissaq suliarineqassaaq aaqqiissutissarlu naammassineqartoq suliffeqarfimmut saqqummiunneqassalluni, taamatut ilisimatitsissuteqartoqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...