Skip to main content

Suleqatigiilluarneq: Kofoeds Skole Greenland Cruisesimut ikiuisoq

Greenland Cruisesip plakatiutaanut ikkussuiffissat piareeqqasut pissarsiassanngillat. Targa nerrivinnik patitittakkanik peqanngilaq. Najukkami suliffeqarfik ikiuisimavoq.

Takornariartitsisartoq Ivik Knudsen-Ostermanna nutaarluinnarmik Targamik peqarpoq, takornarianik Nuup kangerluani angallassisinnaasumik. Targa maajip qaammataani piareerneqarsimavoq, nerriviilli patitittakkat inniminnerneqasinngillat.

Najukkami suliffeqarfiit arlallit Greenland Cruisesip ajornartorsiutaanik ikiuunniarlutik piareeqqasimapput.

- Takornariartitsinermi najukkami naleqartitarpassit atorneqarnerusinnaapput. Pingaaruteqarpoq immitsinnut, takornariartitsisartuinnaanngitsut, atorluartarnissapput, aammali takornarianik sullissigaangatta najukkami suliffiit mikinerit eqqarsaatigisarnissaat. uliffeqarfiit assigiinngitsut takornarianut iluaqutaasinnaasumik suleqatigiinnerat kisimi kinguneqarluarsinnaavoq, suleqatigiinnissallu ukkatarineqarneruneratigut coronap ajornartorsiortitsinera aqulluarsinnaanerussavarput, Ivik Knudsen-Ostermanna Greenland Cruisesimeersoq tusagassiorfinnut nalunaaruteqarnermi oqarpoq.

Najukkami suliffeqarfik ikiuuttoq

Najukkami pequsiortartoq, Asarnsu, Targamut naapertuuttumik aaqqiissutissarsipallassimavoq.

- Asarnsup angusai suleqatigineqarneralu nuannaarutigeqaakka, Ivik Knudsn-Ostermann oqarpoq.

Ivik Knudsen-Ostermann takornariartitsisarfiup plakatiutaanut ikkussiffissaanut tunngatiallugu, najukkami suliffeqarfinnut ikiortissarsiorsimavoq. Piffissaq sivitsuanngitsoq Kofod Skole taakkunannga suliaqarsinnaalluni siunnersuuteqarpoq.

- Facebookimik aqutsisutta tusarsimavaa, Kofoeds Skole ikkussiffissanik suliaqarsinnaasoq. Tamannalumi ilumoorpoq. Suliakkiissut piumassuseqarluarlutik tiguaat, suliaallu kusanarluinnarput, Greenland Cruisesimik piginnittoq oqarpoq.

Ivik Knudsenip taakku assersuutigalugit oqaatigaa, coronap ajornartorsiortitsinerani najukkami suliffeqarfiit ataatsimoortariaqartut.

- Tunngaviatigut nutaaliortuullutalu naammassisaqartartuuvugut, tamanna immaqa suut tamamik tigoriaannaanngikkallarnerannit tunngaveqarpoq, taamanikkut atueqqinnissaq naammassisaqarsinnaanerlu eqqarsaatigineqartarpoq. Taamatut anersaaqarneq inuiaqatigiinni suli atuuppoq, piffissanilu makkunani atoqqittariaqarparput.

Ineqarnermut tunngasoq: Naalakkersuisut amigartooruteqarlutik attartortitsisarput
Namminersorlutik Oqartussat ineqarnermut ilusilersueriaaseq, Kommuneqarfik Sermersuup saassutarineqassutigisaanik, namminneq atorpaat.
Uuliakoq inuiaqatigiit annertuumik iluanaarutaasinnaavoq
Kommuneqarfik Sermersuumit Eqqakkanik Tigooraavik uuliakumik eqqortumik passussinissaq qulakkeerniarlugu innuttaasut suliffeqarfiillu oqaloqatigineqarusupput. Eqqunngitsumik eqqortumillu...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER