Sukkumik sapigaqarneq: Nerisassat europameersut sukkoqalaaraluartut ajoqutaanngillat
Maniitsumi innuttaasut aqqaneq-marluk ilisimatusarluni misissuinermi siornatigut ingerlanneqarsimanngitsumi peqataaqqammerput. Misissuinerup inerniliussarigallangaa tassaavoq sukkumik sapigaqartut sukkoqalaartunik nerigaluarunik akornutiginngikkaat.
Pizza imaluunniit aalisakkanik frikadelleliat? Aamma iipilit paarnalluunniit, sorliit nererusunnerussagaluarpigit?
Sukkumik erlavinni arrortitsisinnaannginneq pillugu ilisimatusarluni misissuineq siulleq soqutigineqarluarpoq. Ilisimatusartoq Ninna Senftleber, postdoc, Steno Diabetes Center taama isumaqarpoq. Misissuinermi siullermi innuttaasut aqqaneq-marluk ulluni arfineq-marlunni misiliinermi peqataaqqammerput.
Deltagerne gennemgår forskellige tests, som undersøger deres præferencer for mad. Dette sker ved at deltagerne deltager ved en buffet i 20 minutter og spiser det, de har lyst til. Derudover skal deltagerne spise en grønlandskbaseret kost og vestlig kost ad tre dages varighed hver. Her har Brugseni i Maniitsoq hjulpet til med at levere varerne, da grønlandsk mad afhænger af sæsoner.
Naarlukkaluarlutik peqqinnerusut
Kalaallit Nunaanni innuttaasut ilaat gen-imik aalajangersimasumik issittup inoqqaavinit kingornussaqarput. Gen-ip, timip allannguutaat, taassuma sukkoq erlavinni arrortissinnaannginneranik kinguneqartarpoq.
- Innuttaasut taakku sukkulittorsimallutik naarlussinnaasaraluarlutik, taamaattoq allanit peqqinnerusutut isikkoqarput. Tamassumunnga suna pissutaanersoq ilisimatusartut maanna paasinialeruttorpaat, Ninna Senftleber allappoq.
Maniitsumilu misissuineq iluatsilluartutut nalilerneqarpoq.
- Peqataasut assigiinngitsunik misigisaqarput. Kalaaliminertorsimatillutik ilaat perlilianerusarput, allalli qaarsilaarluartarlutik. Nerisassallu sassaalliutigineqartut maleqqissaarneqarput. Peqataasut sukkumik sapigaqartut europamiut nerisarinerusartagaannik aamma nerisinnaalluarput, naak nerisassat taakku sukkoqalaaraluartut, Ninna Senftleber nassuiaavoq.
Nuuk tullinnguuppoq
Maniitsumi paasisat katersorneqareermata ilisimatusartut Nuummukassapput, Nuummilu innuttaasut peqataarusuttut misissuiffigissallugit.
Nuummi misissuinerit martsimi ingerlanneqassapput. Innuttaasullu sukkumik sapigaqartut peqataasinnaapput.
- Gen-i taanna kingornussimagaanni taava sukkulittorsimatilluni naarlunneq, naat pullannerat, timminneq meriarnerluunniit atorneqartarput. Taama misigisarneq kingornuttagaammat ilaqutariinni arlaqartut taamaattarsinnaapput, Ninna Senftleber naggasiivoq.
Nuummi peqataasoqarluarnissaa neriuutigaa.