Storm Ludvigsen: Peqqinnissaqarfik Kialaarfimmut angerlartitsisarpoq
Nuummi angerlarsimaffeqanngitsut sullinneqarnissaat pillugu suliffeqarfik »Tarraq Nuuk« aamma Kommuneqarfik Sermersooq kiffartuussinissamik isumaqatigiissuteqarput. Angerlarsimaffeqanngitsulli saniatigut aamma pisortat napparsimasunik, utoqqarnik, persuttagaasimasunik aammalu nunanit allamiunik akuerineqaratik nunatsinnukarsimasunik Kialaarfimmut innersuussisarput, taakku tamarmik sulisunik immikkut sullissisinnaasunik pisariaqartitsinermik pilersitsisuupput.
Storm Ludvigsen assorsuaq ilungersorpoq suut tamaasa ataqatigiissinniarsaralugit Nuummi innuttaasut angerlarsimaffeqanngitsut sullilluarniarsarinerini. Aviisi Sermitsiaq taamatut allappoq.
Tassami angerlarsimaffeqanngitsut amerliartuinnanngillat, aammali peqqinnissaqarfimmiit uninngasut angerlartinneqartussat timimikkut imaluunniit aamma tarnimikkut nappaatillit Kialaarfimmut angerlartittarpai, tamatumalu saniatigut arnat persuttarneqarsimasut pisunilu ataasiakkaani nunanit allanit nunatsinnut tikinnissaminnut akuersissuteqaratik nunatsinnit aniseqqitassat aamma Kialaarfimmut innersuunneqartarlutik, taakkulu kommunip innersuussisarnerata saniatigut sullissassaasarput.
- Pisinnaasannguarput tamaat ulapippugut, aammalu sapinngisarput tamaat angerlarsimaffeqanngitsut ajunnginnerpaamik sullinniarsarivagut atugassarititaasut iluini. Tassa nalinginnaasumik angerlarsimaffeqanngitsut iserfissaqartittussaavagut, isumassortussaavagut, illersortussaavagut siunnersortussaavagullu inuunerminnik akisussaaffimmik tiguseqqinnissaat iliuutsiminnillu akisussaaffiginninnissaat pillugit. Kommunimut isumaqatigiissuterput naapertorlugu sulivugut aammalu kommunimit naatsorsuutigineqartut tamaasa naammassiniartuaannarpagut. Taamaattorli piffissami sullissilluta aallartinnitsinniit maannamut nalaattakkatta ilagaat peqqinnissaqarfiup uninngasut angerlartitassat uagutsinnut innersuuttaraat, tamatumalu saniatigut arnat persuttagaasimasut pisunilu ataasiakkaani nunani allamiut akuersissuteqaratik nunatsinnukarsimasut nunaminnut angerlartitaaqqinnissaasa tungaanut aamma Kialaarfimmut innersuunneqartarlutik.
- Naallu isumaqatigiissutitsinni »angerlarsimaffeqanngitsut nalinginnaasut« saniatigut tigoqqaasarnissarput allaqqasoqanngikkaluartoq taamaattoq pisussaaffittut isigalugu immikkut sullittariallit tamakku aamma Kialaarfimmik atuisuusarput, aamma sulisugut amerlanertigut SIK malillugu nalinginnaasumik sulisussaagaluartut immikkullu pisariaqartitsisunut sullissinissaminnut ilinniagaqarsimasanngikkaluartut, Storm Ludvigsen Sermitsiamut oqaluttuarpoq.
Sermitsiamit nunatsinni politimestereqarfimmut paasiniaavugut nunani allamiut akuersissummik peqaratik nunatsinnut tikittartut aammalu angerlartitaaqqinnissamik tungaanut angerlarsimaffeqanngitsut ornittagaannut innersuunneqartartut qassiunersut:
- Sermitsiamit nunatsinni politimestereqarfimmut paasiniaavugut nunani allamiut akuersissummik peqaratik nunatsinnut tikittartut aammalu angerlartitaaqqinnissamik tungaanut angerlarsimaffeqanngitsut ornittagaannut innersuunneqartartut qassiunersut: – Piffissap imaalinerani kisitsisinngorlugu tunniussassaqanngikkallarpugut, taamaattorli politiit tungaannit maluginiakkagut naapertorlugit taamatut pisoqartarnera qaqutigoortuusutut nalilerparput, tassa nunani allamiut akuersissummik peqaratik tikittartut nunatsinniillu aallartitaaqqittartut amerlanngillat, nunatsinni Politimestereqarfimmiit ilisimatitsissutigineqarpoq.
Oqaluttuaq tamaat aamma Nuummi angerlarsimaffeqanngitsut pillugti aviisimi Sermitsiami paasisaqarnerugit:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
