Storm Ludvigsen kommunimit soraarsitaasoq
Kommuneqarfik Sermersuumit aalajangiunneqarsimavoq, Nuummi angerlarsimaffeqanngitsut unnuisarfiannik ingerlatsineq utertinneqassasoq. Tamanna pivoq, unnuisarfimmik atuisunit, sulisunit suleqatigisanillu pissutsinik ernumassuteqarnermik kommunip nalunaarutisisarnerata kingorna.
Piffissami kingullerni aviisip Sermitsiap oqaluttuarivaa, Nuummi angerlarsimaffeqanngitsut unnuisarfiata ingerlanneqarnera ajornartorsiutigineqartartoq, unnuisarfik maannamut suliffeqarfiup Tarraap Storm Ludvigsenimit pigineqartup ingerlatarisimavaa.
Storm Ludvigsenip ilaatigut kiffartuussinissamik isumaqatigiissut malillugu akiliuteqartarnissamut isumaqatigiissummik kommunip malinnissimannginnera isornartorsiorsimavaa, taamaattoqanngitsorli kommunimit oqaatigineqarpoq.
Tamatuma malitsigisaanik kommunip Storm Ludvigsenip suliffeqarfiutaanik suleqateqarneq unitsippaa.
- Tusagassiutitigut sulisut akissarsisarsimanngitsut, unnuisarfiup qatserisartoqarnermut oqartussaasunit akuerineqartunit amerlanerusunik tigusisarsimaneranik taamatullu suleqatigisat pingaarutillit unnuisarfimmukarusukkunnaarneri, aqutsisunik aporaanneq pissutigalugu, atuarsinnaasimavarput.
- Taamatut nalunaaruteqartoqartarnera soorunami tusaanngitsuusaarsinnaanngilarput, Kommuneqarfik Sermersuumi Suliffeqarnermut Isumaginninnermullu Ataatsimiititami siulittaasoq, Inge Olsvig Brandt, oqarpoq.
Storm Ludvigsenip Sermitsiaq.AG-mut oqaatigisimasani aalajangiussimallugu oqaatigaa, kommuni ingerlatsinermut tapiissutinik tunniussiffissatut isumaqatigiissut malillugu aningaasanik tunniussisarsimanngitsoq, tamatumalu malitsigisaanik sulisut aningaasarsiassaannik tunniussisoqarsinnaasanngitsoq, kukkussullu kommunimiittoq.
- Pisoq pillugu ajuusaarlungalu kommuni kamaappar, Storm Ludvigsen oqarpoq.
Nalunaarusiat pissarsiariniartarnerat ajornartorsiutaasoq
Kommunimit oqaatigineqarpoq, suleqatigiinnerup ingerlanera tamaat suliffeqarfimmiit nalunaarusiat pissarsiariniartarnerat assut ajornartorsiutigineqartarsimasoq.
- Tarraq arlaleriarluni ingerlatsinermut tapiissutit qanoq atorneqartarnerinik imaluunniit atuisut qanoq amerlatigisut sullinneqartarnerinik nassuuiaarusuttarsimanngilaq. Akileraartartut aningaasaataasa taamatut atorneqarnerat soorunami attanneqarsinnaanngilaq, Inge Olsvig Brandt oqarpoq.
Kommuni ingerlatsinissamik isumaqatigiissut malillugu suliamik ingerlatsisup pissutsinik arlalinnik ullut 20-t iluini iluarsiissuteqarnissaanik qinnuiginnittarsimavoq, kommunilu naapertorlugu tamanna iluatsinneqarsimanngilaq.
Ingerlatsineq Kommuneqarfik Sermersuumit erngertumik atuutilersumik tiguneqarnissaa piareersimaffigineqarpoq, kommuni nittartakkamigut ilisimatitsivoq.
Suliaq pillugu aviisimi Sermitsiami sapaatip akunnerini 32-meersumi 33-meersumilu paasisaqarnerugit
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
