Skip to main content

Stine Bosse siulersuisuni siulittaasuujunnaartoq

Stine Bosse ukiuni tallimani BankNordikimi siulittaasooreerluni siulittaasussatut sassaqqinnianngilaq.

Stine Bosse, ilaatigut Tele Greenland A/S-ip aamma Nuna Oil A/S-ip siulersuisuini siulittaasuusoq, BankNordikip siulersuisuini siulittaasutut tunuarniarluni aalajangersimavoq. 

Aningaaserivik 2020-mi martsip 26-ani ileqquusumik ataatsimeersuassaaq, tassanilu siulittaasumik nutaamik toqqaasoqassalluni.

- Aningaaserivik siulersuisuni siulittaasuuninni unammillernartumik pissanganartumillu ineriartorsimavoq, tassani pingaarnertut anguniagaasimalluni soqutigisallit tamarmik pitsaanerusumik sullinneqartuarnissaat. Niuernikkut piumasaqaatit aningaaseriviup naleqqussarsinnaassusaanut allannguisinnaassusaanullu unammillernarsinnaasimagaluartut, aningaaserivik piffissami pineqartumi ingerlatsinikkut angusaqarneruleriartorsimavoq, aningaaseriviullu aningaasaqarnikkut allatut ingerlatsinissaanik piumasaqaatit sakkortusineqarsimasut malinneqarnissaat eqqarsaatigalugit piginneqataasut iluanaarutinik agguaassiffigineqartarput, Stine Bosse tusagassiorfinnut nalunaaruteqarnermi oqarpoq. 

Naammagisimaarinninnerulersimaneq

- Aningaaseriviup Savalimmiuni, Danmarkimi Kalaallillu Nunaanni sullitai siulittaasunngunngikkallarninnut sanilliullugu ullumikkut naammagisimaarinninnerulersimapput, soorlu aamma aningaaserivimmi sulisut naammagisimaarinninnerat malunnaatilimmik annerulersimasoq. Sullitat sulisullu naammagisimaarinninnerulersimanerat aningaaseriviup aqutsisoqarfiani qullersaqarfianilu aqutsisut piffissaq ungasinnerusoq eqqarsaatigalugu siunnerfeqartumillu suliniuteqarsimanerisa inernerivaat, pineqartut ukioq siulleq siulittaasuuninni atorfinitsinneqarsimapput.

- Aningaaseriviup siulersuisuini siulittaasutut tunuarlunga allamut saannissara piffissanngortoq aalajangersimavunga, matumuunalu aningaaserivik, tassanilu sulisut sulilluartut, piginnaasallit tunniussimasullu pitsaanerpaamik kissaappakka, aningaaseriviup siulersuisuini siulittaasuujunnaalersoq Stine Bosse oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER