atorfeqarneq
Steffen Ulrich-Lynge pisortatut nutaamik atorfinippoq
Kommunimi pisortaaneq Kalaallit Airportsimi pisortanngussaaq
Kalaallit Airports A/S-ip atorfinitsitsiniarnerup kingorna, pisortaaninngortussaq nassaraa.
Kommuneqarfik Sermersuumi maanna pisortaanerusoq, Steffen Ulrich-Lynge, pisortassatut toqqarneqarpoq.
Atuaruk: Mittarfiit pingasut Kalaallit Airportsimut katersuuttut
Pisinnaasat pingaarutillit
- Steffen Ulrich-Lyngep toqqarneratigut inuk pisariaqartitatsinnik piginnaasalik mittarfiit pillugit suliniutinik angisuunik inuiaqatigiinnut kalaallinut pingaaruteqartupilussuarnut aqutsisinnaasoq nassaarivarput, Kalaallit Airportsimi siulersuisuni siulittaasoq, Leo Larsen tusagassiuutinut nalunaarummi.
- Allaffissornikkut aqutsinikkullu akisussaaffiup Steffen Ulrich-Lyngemut tunniunnissaa toqqissimaffigilluinnarpara, taannami aqutsinikkut misilittagartuujummat, aamma Kalaallit Nunaanni mittarfeqarfinnik sanaartornermut tunngatillugu, siulittaasoq oqarpoq.
Misilittagalik
Steffen Ulrich-Lynge ingeniøritut ilinniagaqarpoq, siornatigullu sinerissami mittarfiliortitertoqarmat sanaartornermut pisortatut atorfeqarsimalluni. Aamma naalakkersuisoqarfimmi pisortaasimavoq kiisalu Ineqarnermut Attaveqarnermullu naalakkersuisuusimalluni.