Skip to main content

Steffen Ulrich-Lynge: Aningaasaqarneq aqunneqarpoq

Kommuneqarfik Sermersuup pisortaanera, Steffen Ulrich-Lynge, million koruunit sinnerlugit kisitsisinik paasissutissiinerlukkaluarluni, maanna ilisimatitsivoq aningaasaqarnikkut aqutsineq pissusissamisut ingerlanneqartoq

Marlunngornermi siusinnerusukkut saqqummiunneqareersutut Kommuneqarfik Sermersuumi pisortaaneq Steffen Ulrich-Lynge pequtinik pisinermi 300.000-400.000 koruunit atorneqarsimaneri pillugit Nuuk TV-mi decembarimi kukkusumik paasissutissiimanini ajuusaarutigaa.

- Uppernarsarsinnaavara pequtinik pisineq 1,7 millioner koruuninik akeqarmat. Taamaattumik, decembarip 10-anni allatut oqaaseqarsimanera ajuusaarutigaara. Kukkusumik paasissutissiinissaq siunertarisimanngilluinnarpara. Kukkusumik paasissutissiinerit kommunip iluani ajuusaarnartumik kukkusoqarneranik peqquteqarput, siunissamilu taamatut pisoqaqqinnginnissaa anguniarlugu pitsaanerpaamik iliuuseqarniarpugut, Steffen Ulrich-Lynge marlunngornermi ullaap tungaani taama oqarpoq. 

- Paasissutissanik eqqunngitsunik tunniussaqarsimanerit ilinnut arlaatigut kinguneqassava?

- Uanga tamanna akissuteqarfigisinnaanngilara, Kommuneqarfik Sermersuup pisortaanera akivoq.

Ilaatigut tusagassiuutinut nalunaarutinni allapputit: ‘Kukkusumik paasissutissiinerit kommunip iluani ajuusaarnartumik kukkusoqarneranik peqquteqarput, siunissamilu taamatut pisoqaqqinnginnissaa anguniarlugu pitsaanerpaamik iliuuseqarniarpugut’. Qanorpiaq iliuuseqarniarpisi?

- Siunissami apersorneqannginnitsinni piffissaqarluartarnissarput piareersarluartarnissarpullu qulakkeeqqaartalerniarparput, paasissutissallu eqqortuunersut qulakkeeqqaartarniarlugit.

Borgmester Asii Chemnitz Narupip, Inuit Ataqatigiinnersuup, ataasinngornermi nalunaarutigaa Kommuneqarfik Sermersooq kommuunit nakkutilliisoqarfiannit maanna sukannersumik nakkutigisaajunnaartoq. Paasisisinnaaviuk inuit ilaanniit tamanna paasiuminaatsinneqassapput, tassami kommuunip aningaasartuutaai qularnaatsumik nakkutigineqarpasinngimmata?

- Aningaasaqarneq aqunneqarpoq. Uani pisoq aningaasaqarnitsinnillu aqutsinerput imminnut attuumassuteqanngillat, Steffen Ulrich-Lynge oqarpoq.

Isumaginninnermut, Suliffeqarnermut Inuussutissarsiornermullu ingerlatsivimmut sulisunut 70-t missaanniittunut pequtinik 2014-p ukiaani aningaasat atorneqarput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER