Skip to main content

Steen Lynge uran pillugu apeqqummi kisimiilluni suliniuteqalersoq

Upernaakkut ataatsimiinnermi uran pillugu oqallinnerit sivisuut pissagunarput. Partiit pingasut innuttaasut apeqqut tamanna pillugu taasisinneqarnissaannik tamarmik immikkut siunnersuuteqarput – partiillu iluini isumaqatigiinnginneq pileratarsinnaassalluni

Inuit Ataqatigiit, Partii Naleraq aamma Atassut upernaakkut ataatsimiinnissamut innuttaasut uran pillugu taasisinneqarnissaannik siunnersuutinik saqqummiussaqarput.

Taama pisoqarnera tunngavigalugu IA isumallualerpoq: Taamaalillunimi taasisitsinissamut amerlanerussuteqartoqarpasilerpoq, partiit taakkua pingasut ataatsimut katillugit 16-inik ilaasortaatitaqarmata, Siumut Demokraatillu 15-inik ilaasortaatitaqartut.

Atuaruk: Urani pillugu inuit taasisinneqarnissaat Steen Lyngep kissaatigaa

Siunnersuutit ataatsimoortikkuminaatsut
Kisitassarli taama pisariitsiginngitsoq qanimut misissuinermi paasinarsivoq. Ilaatigummi innuttaasut 
taasisinneqarnissaannik partiinit pingasunit siunnersuutigineqartut assigiinngilluinnartuupput ataatsimoortikkuminaalluinnartuugunarlutillu.

Ilaatigut Steen Lynge Atassummi immikkoortitaalluni inissisimavoq, tamannalu isumaqarluni, innuttaasunik taasisitsinissaq ingerlanneqarnissaanut Inatsisartuni akerliusut 16-15-imik amerlassuseqarnerannik.

Tamanna naalakkersuisoqatigiit eqqissillutik sinissinnaassutigissagunanngilaat, Naalakkersuisut ikinnerussuteqalernissaannut Inatsisartunut ilaasortaq ataasiinnaq isummaminik allannguisariaqassammat.

Taama pisoqarpat tamanna nutaamik qinersisitsisoqarnissaanik pilersitsisinnaavoq, tassa Kim Kielsenip tamanna naalaakkersuisoqatigiinnermi apeqqutitut pingaaruteqarluinnartutut inissisimalersissappagu.

Atuaruk: Innuttaasut taasitinnissaat Atassutip tapersinngilaa

Kiffaanngissuseqartut
Sinniisuinnaasoq Partiip siulittaasuata Naalakkersuisunullu ilaasortap Knud Kristiansenip 
pineqartumik Steen Lynge tapersersorsinnaanagu nammineq sakkortuumik erseqqissaatigaa.

- Innuttaasunik taasisitsinissaq tapersersunngilara, naamerluinnaq. Tamanna qinersinissaq sioqqullugu qinersisartunut aamma oqariartuutiginngilarput. Illuatungaatigut Inatsisartunut ilaasortat suliami apeqqutinik sunik saqqummiussaqarsinnaanerat akuliuffigisinnaanngilara, aamma naak uanga partiinneersoq ataaserluunniit pineqaraluarpat. Siunnersuutinikqanorsuaq saqqummiussinissamut kiffaanngissuseqarput, Knud Kristiansen oqarpoq.

Allaaserisaq sapaatip-akunnerani AG-mi saqqummertumi atuaruk, taanna ullumikkut pisiniarfinniilerpoq. Uani ataani digitalimik ammarsinnaavat:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER